بأختصار
اختي تبغــــــــــي تخطب لولدهـــــــــا بنت … و هي عارفه اشيا كثيره بس احب اعرف كيفيه موضوع الخطبـــــــــــــــه بالتفصيل عندنا في الامــــــــــــارات شجايل ؟؟ ..
كالتــــــــــــــالي خواتي ::
1- يعنــــــــــي الحينه لما ام الولد تتصل بأم البنت .. شو تقول لها بالضبط ..؟
و
2- و بعدين متى ترد ام العروس الجواب لام المعرس (سواءا بالموافقه او الرفض) ..؟
3- و بعدين متى ييون الحريم بيت البنت << يعنــــــــــي متى تبدا خطبه الحريـــــــــم ؟
4- و متي اييون الرياييل و يتقاصون المهـــــــــــر ..؟؟ < و ابغي بعد الفتره الزمنيه بين خطبه الرياييل و الحريم و هكذا ..
يعنـــــــــي انتي مثلا خبرينا عن اهلج … اوعنج اذا معرســـــــه… او عن اخواتج او اخووانج ..؟؟
ضرووووووووري محتاجينكم
بخبرج عن خواتي كييف تمت خطوبتهن
من صووب هل المعرس
طبعاا نتصل ف ام البنيه ونقوولهاا نباا نخطب عندكم بس حرييييم وبيردوون علييج
هييه او لاااا اذااا هييه تسيروون الحرييم وتشووفون البنيه عقب ايي الريال ويشووف البنيه النظره الشرعييه
اذاا عيبتكم البنييه وهم سالو عنكم طبعاا تتصلون فييهم انكم موافقيين ويبدون الرياييل
بالخطبه الرسمييه
وعقب يحددون الملجه والمهر والشرووط
وبس واي سؤال انا حاظره
والله يتمم لكم ع خيير يارب
تقولها احنا يايينكم نبي نخطب بنتكم لفلان بن فلان وشاوروا الابو والبنت وردوا علينا خبر
2- و بعدين متى ترد ام العروس الجواب لام المعرس (سواءا بالموافقه او الرفض) ..؟
بعد ماتصلي البنت الاستخاره وتفكر ويسالون عن المعرس على الاقل عطوها شهر
3- و بعدين متى ييون الحريم بيت البنت << يعنــــــــــي متى تبدا خطبه الحريـــــــــم ؟
كالعاده خطبه الحريم والرياييل نفس اليوم الحريم يقعدون يتعشون والرياييل يتعشون عقب يسلمون المهر 4-
و متي اييون الرياييل و يتقاصون المهـــــــــــر ..؟؟ < و ابغي بعد الفتره الزمنيه بين خطبه الرياييل و الحريم و هكذا ..
نفس اليوم ما اختلفت كل الناس تجمعها بيوم
يعنـــــــــي انتي مثلا خبرينا عن اهلج … اوعنج اذا معرســـــــه… او عن اخواتج او اخووانج ..؟؟
ومبرووووووكين مقدم
اب
اول شي ام الولد تتصل بام البنت و تعرفها بنفسها و بعايلتها و تخبرها انها تبا تخطب من عندهم
2- و بعدين متى ترد ام العروس الجواب لام المعرس (سواءا بالموافقه او الرفض) ..؟
ترد الله يسلمج بعد ما تخبر اهلها البنت و بعد ما يبدون موافقتهم الاوليه
3- و بعدين متى ييون الحريم بيت البنت << يعنــــــــــي متى تبدا خطبه الحريـــــــــم ؟
حبيبتي مب الحريم الي اول شي اييون … اول شي يروحون الرياييل و يقصون الحيه على قولتهم و تكون رمست رياييل هيه الاكيده و الرسميه …
4- و متي اييون الرياييل و يتقاصون المهـــــــــــر ..؟؟ < و ابغي بعد الفتره الزمنيه بين خطبه الرياييل و الحريم و هكذا ..
هاي الامور تكون في زيارات ثانيه .. و في حد من الناس يخلونها على الحريم … و ثاني شي … مافي شي اسمه خطبة رياييل .. خلاص بمجر انهم يوو عندهم و قصو الحيه خلاص هاي تعتبر هيه الخطبه اما بالنسبه للحريم مب كل الناس يسوونها هاي الخطبه … هاي تعتمد على حسب الحريم نفسهم اذا يبون خطبه ولا لا او انهم يخلونها مجرد اجتماع عائلي
اتمنى اني اكون افدتج في شي و لو بسيط 
يعني لاحظت من ردود البنات ان في اختلافات بسيطة ..
بس اضمن شي.. وهاللي تقريبا صاير عندنا ..
1- الحريم يروحون يتعرفون على ام البنت ويشوفون البنت ( اذا ما يعرفونها ) .. ويقررون اذا بيخطبونها رسمي .. اما اذا البنت من الاهل .. تتصل ام الولد لام البنت .. وتشاورها انهم يبون ييون يخطبون فلانه لفلااان ..
2- يخلوون البنت واهلها يتشاورون .. وعقب اسبوع بالكثير تتصل ام المعرس وتشووف راي الجماعة .. (( واذا اهل المعرس ما ارتاحوا للبنت يخبرون اهلها بهالشي بعد ويتعذرون ))
3- اذا استوت موافقة مبدأية من الطرفين .. يي وقت النظرة الشرعية .. ويروحون الرياييل بعد … << واذا كنتوا تعرفون البنت تقدروون تتفاهمون على كل شي .. من طلبات .. ومهر .. اما اذا ما تعرفونها تأجلون هالشي لزيارة ياية .. بحيث ان الولد والبنت يفكرون في بعض ويشوفون اذا يبون بعض والا ..
4 – اذا صااار كل شي اووكي .. تكوون زيارة رسمية .. رياييل وكبار العايلة .. والحريم .. يروحون .. ويخطبون ويشوفون الطلبات ويتفقون على وقت الملجة وشو المطلووب لها ..
امممممم اما الوقت اللي بياخذه ها كله .. يعتمد على الظروف .. بس انا اشووف ان مب حلوة اهل المعرس يقطعون بالناس اكثر من اسبوع .. يعني حتى لو اتصال للسلام وانهم يتطمنون على الاحوال .. لان فعلا مب حلوة انهم يختفون 10 او 20 يوم .. وعقب يردون يتصلون .. جي يعلقون البنت عالفاضي.. وهالشي مب زين .. والبنت بتحس ان مب مرغووب فيها ..
والله يتمم له على خير ان شالله ..