خواتي بالمختصر بغيت استشيركن في موضوع مصيري بالنسبة لي ، وانتن أهل خبرة ودراية بتفيدني أكيد .
ودي أكمل دراستي الجامعية وأصير مدرسة إنجليزي
عمري 28 سنة متزوجه عندي ولد وبنت وحامل في السابع .
خلصت الثانوية عام 1998 أدبي نسبتي 89.9%
تزوجت عام 1999
وأريد أدرس في كلية تربية في دبي ، تتحرونهم يقبلوني في كلية التقنية سمعت إن عندهم تخصص ؟
وشو المتطلبات ؟ على فكرة طبعاً أنا مواطنة !
شوورن علي ، طلبتكن طلبه
المشاركة الأصلية كتبت بواسطة الاترجة 
تسلمين الغلا على ردج وتشجيعج ، والله أخاف تقولن عني عيوز وخرفت خخخخخ
خواتنا المصريات يقولن : لما شاب ودوه الكتاب 
المشاركة الأصلية كتبت بواسطة شمعة دوجي خواتنا المصريات يقولن : لما شاب ودوه الكتاب
ههههههههههه انا دوم اقول هالمثل حق عمري … انا بعد شراتج هالسنة اول سنة لي في الكلية من عقب 12 سنة قضيتها في تربية العيال ….. وبفضل الله عزوجل ثم تشجيع زوجي والحمد لله و ما شاء الله يبت الامتياز اللي احلم فيه من زمان ……..
كملي دراستج ،،
والله يوفقج،،،
التقنية فيها هالتخصص وبعد جامعة زايد بس لازم تكون شهادة الثانوية يديدة وانتي شهادتج طايف عليها وايد، يعني اذا بغيتي تدرسين في التقنية أو جامعة زايد لازم تعيدين الثانوية العامة حتى لو منازل وبعدين اتقدمين
إذا بغيتي استفسار ثاني راسليني على الخاص
المشاركة الأصلية كتبت بواسطة جمرة شوق التقنية فيها هالتخصص وبعد جامعة زايد بس لازم تكون شهادة الثانوية يديدة وانتي شهادتج طايف عليها وايد، يعني اذا بغيتي تدرسين في التقنية أو جامعة زايد لازم تعيدين الثانوية العامة حتى لو منازل وبعدين اتقدمين
إذا بغيتي استفسار ثاني راسليني على الخاص
هيييه صدق أنا سمعت ها عن جامعة زايد بس التقنية مب متأكده؟
إنتي متأكدة من هالرمسه ؟
حتى لو إنجليزي عندي ممتاز أنا شو أبا بإعادة امتحانات التاريخ والفلسفة وكل البلاوي خخخخخخخخخخ .
ما يسوون لي امتحان قبول أو تقييم ؟
أتريا ردج الغلا