إخواتي وحبيباتي ترددت كثير فيےّ طرح مشكلتي
أم ?? ولكن ضاقت بي الأرض وجيت أفضفض لكم
أنا مملكه على رجال بمعنى الكلمه ولله الحمد مصلي وإخلاقه عاليه جد ورتبه مرموقه والحمد ?لـلّـہ متفهم وهذا الشي لاحظته من يوم الشوفه يوم سئلنا عنه كلنا مدحه وتمناه لبنته أو أخته ووسيم
وأنا ولله الحمد أيضا بشهادة إلي حوالي انسانه عاقله شاطره فيےّ شغل البيت وجميله يَ رب لك الحمد. وهذا الشي جعل أهل خطيبي يتمسكون فيني أيام الخطبه لمدح الناس ??يَ ولاخواتي مَ أزكي نفسي لكن الحمد ?لـلّـہ هذا الواقع
المهم تملكت عليه وأنا مقتنعه فيّہَ وهو كذلك مقتنع أشد القناعه بالرغم أنه أقصر مني ولكن فكرت فيےّ إيجابياتها لقت أنه حرام أرفضه لأنه أقصر مني وتملكنا لنا ا??ن تقريبأ سبعه شهور
المهم تعليقات الناس أسمعها بس مَ اهتميت لأني مقتنعه بخطيبي على فكره هو مو قصير بس أنا طويله طولي 175 وطؤله 165 عشره سم تقريبا. الفرق بيننا
الهم أنا طنشت وكل شئ مآشي تمام لين سمعت كلام من وحده من البنات معايه فيےّ الكليه متزوجه حسستني بشي غريب قالتلي كيف وافقتي عليه يوم شافت صورنا قلت لـ?ھ قالت هذا بيجي بعد فتره بيمل منك لأنك أطول منه قلتلها هو مقتنع فيني قالتلي ا??ن منبهر من طولك وجسمك وجمالك لكن مع الأيام بيحس انك رجال جننه حتى لو كنتي ناعمه بس انتي أطول منه بالرغم أني مو عملاقه بالعكس رزه وقالتلي اسمحولي على الجراءه بس مالي بعد ?لـلّـہ إلا انتم قالت حتى علاقتكم الخاصه مَ راح يستمتع معاك ??? يكون بينكم رومنسيه ??? يقدر حتى يحضنك يَ بنات مَ تتخيلون كيف اسودت الدنيا بوجهي أحس أني تحطمت لأن الكلام جاء من وحده متزوجه وهي قالتلي أنا متزوجه وفاهمه أكثر منك ا??ن يدق خطيبي علي أحس أني اكلمه وأنا مخنوقه أحبه بس كلامها يدور فيےّ بالي من يوم قالتلي هل هي صادقه من هالناحيه مَ يكون بيننا يَ رومنسيه أو شيء من هالقبيل يَ بنات تحملوني وحظو نفسكم مكاني وحده تقولك زوجك بيمل منك بعد فتره على قولتها ??ن جسمك بيتغير وتمتنين ومدري أيش قالت كلام كئييير حطمني
طبعا ردت فعلي سكتها حتى مَ تتمادئ بس من جوات نفسي أحس أني مكسوره قاعده أجهز لزواجي ومافيني فرحة عجرت اتجاوز كلامها دائم يدور فيےّ بالي إخواتي قولولي الصدق هـ?? هذا صحيح أو ?? هل ممكن يجي يوم يندم أنه أخذني على أنه اقتنع فيني من يوم النظره ومن يوم هو بالمجلس عندي حسيت بنظرات الإعجاب ؤموافقته حتى من يوم راحوا وهو معطي أهله الجواب وأصر أنهم يقولوي بدري بس أبوه رفض يقول خلها تأخذا قراره على راحته يعني ماشاء ?لـلّـہ العائله كلها متفهمه
أرشدوني جزاكم ?لـلّـہ خير
أكتب لكم من الجوال أعذروني لو فيّہَ أخطاء
في ناس معاقه و مرتاحين لحد اليوم
يعني على الطول بتختلفون و بمل منج !!!
بالله عليج هذا كلام
اتعلمي ياختي في حياتج الزوجيه
ماتصدقين كل شي ينقال لا عن علاقتكم الزوجيه ولا نصايحهم
في نصايح تدمر علاقات
و في كلام ينقال ينطبق على نفس الشخص الي ينصح
يعني لما انا بنصحج .. بشوف نفسي و زوجي و بطبق عليج
لكن غلط مب كل المتزوجين نفس الشي
ماعليج اختي افرحي دامج مرتاحه مع الريال
وجهزي لعرسج وانتي مبسوطه =)
انتى فكرى بريلج و حياتج و لا تشيلين ببالج هى اصلا لو عاقله و تفهم ما جالت لك هالشى
اصلا الحرمه العاقله ما تحكى عن ريلها ويا الحريم لانها ممكن تغير منج فتجولج كلام يخرب حياتج
او تنصحج نصيحه تلاجين عمرج مطلقه و مخبله
انا اشوف ان ما فيها شى انك اطول عنه وايد حريم اطول عن ريايلهم
الزواج مب منو الاطول لا حبيبتى منوتفهم ريالها و تقدر تعيش وياه بسعاده و تجابل عيالها
بصراحه مع احترامي لها كلامهاا مجرد "تفاهات"مانزل الله بها من سلطان!!!!!
يعني مفروض تتجمل باخلاقها معك وتشجعك وتعطيك النواحي الايجابيه بالزواج وتخليك تتفائلين..
وماتجلس ترعبك وتوتر اعصابك وتتمادى وتدخل بتفاصيل حياتك الخاصه عافانا الله مما ابتلاها ..
واخر شي حبيبتي الله يسعدك ويوفقك ويرزقكم السعادة ويرزق كل خواتنا الازواج الصالحين يارب يارب يارب ….
وصلى الله وسلم وبارك على نبينا محمد وعلى اله وصحبه اجمعين..
مبروك على الزواج والله يتمم لج بخير
اسمحيلي ربيعتج هذي حاقد، وما تتمنى لج الخير
جي انفوس البشر
ابدا مايخصه وهالشي يرجع لشخص نفسه
وطولج حلو
انا حرمت اخوي تقريبا طولها 178 واخوي اقصر منها
ولله الحمد لهم 3 سنوات متزوجين، وحياتهم حلوه ومستقرين
واخوي قام يفصل نعال الرجال لي يكون فيها شرات الكعب، مب كعب شرات الحريم لا تكون عاديه بس مرتفعه
عشان يوم يمشون فالسوق يتعادلون فالطول
وعادي جسمها حلو للحين، مع ان عندها ولد وبنوته صغيرونه
انسي كلامها، وكل لي قالته لج
وبتذكرين كلامي انه عادي بس هذي تبى تخرب عليج
الله يسامحها ويسامح اشكالها