يا معرسات الفزعه

مرحبا طيوبات
الله يسلمكن توني خلصت من الجامعه والحمد لله تخرجت بمعدل وايد زين^^
المهم…..طول فترت دراستي كنت متزوجه والحمدلله عندي عيال وريلي ما قصر وياي..
الحيييييييييييييين يا دوري عشان أريحهم المساكين
قال ريلي أبا أشوف كيف حياتي بتتغير بعد الجامعه!!شسوي؟؟؟
هي وبعد هو وايد يحب أطلع أنا وياه بروحنا بس كل طلعاتنا بنفس الروتين
حتى ما اعرف شو أقوله أو كيف أغير الطلعه؟؟
وين برايكن أقدر أطلع وياه في العين ؟؟مع العلم انه ما يحب المولات!!!!!

ما شاء الله على الجو الحين ، اطلعوا البر، اشتري خيمة و جهزي اغراض الشوي و الطبخ و اشتروا ذرة و كستنا، و سوي شاي حليب، و سيروا الفجيرة او راس الخيمة وايد حلوة في البرد. واذا قدرتوا تباتون في الخيمة باتوا، ما فيها شي، الصراحة شوقتيني لطلعة البر.

ولله فديتج انتي عقدتج شراتيه بالظبط بس انا خر فتره شوفي اشوه سويت وياه

طبعا انا شراتج من العين وماشي مكان تروحين له سرت الله يسلمج صوب المبزره وحجزت لي هناكي

يومين وقبل لا يسير ريلي هناك انا سرت قبله وغيرت الستاااااايل كامل مع الفرش وجي وخليتهم يدخنون البيت

وينضفونه وحطيت شموع وورود نثرته في كل صوب وطبعا العشا كان هناكي ومن خلصنا من العشا سرنا نتمشا في مبزره

الييييييييييييييين الفير وعقب ردينا السكن والايجار ما بيكلفج واااااااايد ولله رخيص لو تعرفين تجادلين في السعر بينزلونج

وبس

عادي انا وريلي مانطب المولات الا للتسوق

يوم تظهرين وياه كونى لابسه عدل وخاصه اذا بتسيرون مكان محد حولكم
حطي ميك اب خفيف بس طبعا اتغطي اذا في حد مر

وكوني جريئة معاه اتغزلي فيه خل يتغزل فيج..طبعا بدلع

اطلبي منه لو محد حولكم :* مافيها شي بالعكس بيستانس

لاتكونين روتينيه جنه ظاهره وياربيعتج
ذكريه باول ايام عرسكم

وهذا اللي حضرني الحين

الاقتراح الاول وااااااايد حلو ..كاني بسويها هههههه والبنات ما قصروا ..

سيري الفجيرة واحجزي يوم الحين في الويكند وريحو واطلعو اتمشو الجو حلو واذا بغيتي نصيحتي سير العقة ميرديان بصراحة بتغيرين وايد خاصة ان الجو رومنسي وامطار والله يوفقج ويا ريلج وعيالج دوم انشالله

نصيحتي احجزي بمطعم رااااااااقي انتي وريلج بس وانتي روحي الصالون وغيري من تسريحه شعرج وحطي ميكب والبسي لو فستان خفيف او لبس حلوووووو وجذاب بشكل يديد غير عن اللبس اللي كل مرة تلبسينه ….