بمناسبه عيد الاضحى
الغاليات مثل ماتعرفن انا قطعت علاقتي ويا اهل ريلي
وصارلي 3 شهور ماسير لهم ولا ابي اسير لهم
احس انه انا ريلي متزوجته وماعنده اهل طبعن هو يسير لهم
يعني الحمدلله ماعدت اسمع مغثه منهم
الظاهر سيرتي لهم البيت كانت وايد تظايقهم
مثل مايقولون المحبه من الله وهم مايحبوني بتسالون ليش جي مايحبوني
يمكن في شي فيني ماعيبهم ولا تقبلوني
بس انا جي الي يحبني حيا الله والي مايحبني بكيفه درب السلامه
وفيه مثل يقول
ان حبيتني مابتعمر لي قصر وانت كرهتني مابتحفر لي قبر
المهم
من يومين اهله متصلين بريلي وقايلن له يبون يسيرون دبي كلهم
بيتيمعون هناكي ويا الاهل وبيتمون 4 ايام ويبون ريلي يوديهم
انزين وانا طبعن مســـــــــــــــــتحــــــــــــــــــيل ارز ويهي واسير وياهم لان
انا قعطت وماسرت بيتهم ولا بسير ولاتقولون عيد ربي يدري واكيد بيسامحني
ولا تقولون حقد مب حقد مابي عوار راس وصدعه لنفسي
المهم قلت لريلي انا وين بتم ان شاء الله هلي مسافرين برع الدوله وخواتي كل وحده
وريلها
قلت له يبون يسيرون يسيرون بروحهم اول يوم العيد بتسير عندهم من الصبح لين اخر الليل
واليوم الثاني بنسير انا وانته العين ودبي
طبعن هم ماتصلو عليا انا ماغلطت بهم وانا واثقه مليون بالميه
وانا مستحيل اتصل او اسير عنهم
انزين هم الحين ع بالهم ريلي بيوديهم
وريلي مابيوديهم لانه وعدني بيوديني انا
احس جي يسون عسب يقهروني لان اول مره يطلبون من ريلي هالطلب
حتى لو هم غلطانين بس مب من حقكك تمنعين ريلك يقوم بواجبه تجاه هله
واذا كان اول مره يمكن بصدفه ما لقوا احد يوديهم فأكيد مالهم غير ولدهم استهدي بالله وخلي ريلك يقوم بواجبه رضى الله من رضى الوالدين
ولاتكوني سبب في عصيان ريلك بارك الله فيك وفقك الله فيما يحب ويرضى
عندهم 4 شاب غيره ليش ريلي الحين بس يبون هو يوديهم
المشاركة الأصلية كتبت بواسطة أم اليمامه 
حتى لو هم غلطانين بس مب من حقكك تمنعين ريلك يقوم بواجبه تجاه هله
واذا كان اول مره يمكن بصدفه ما لقوا احد يوديهم فأكيد مالهم غير ولدهم استهدي بالله وخلي ريلك يقوم بواجبه رضى الله من رضى الوالدين
ولاتكوني سبب في عصيان ريلك بارك الله فيك وفقك الله فيما يحب ويرضى
لا حبيبتي اسمحيلي صح ان رضى الله من رضى الوالدين بس الحرمة ما غلطت قالت اول يوم العيد خله يسير بيت اهله من الصبح لين الفليل ما فكرتي الحرمة بتكون برووحها طول اليووم اول يوم العيد واهلهاا برع البلاااد
وعااادي عندج ان الحرمة اتم برووحها فالبيت لمدة اربع ايااام
واهله عندهم غيره تراا اهلهم كلهم بيظهروون رباااعه
المهم فديتج اللي سويتيه صح ولا تخلينه يخليج بروحج
واستانسي وبتنورين دبي فديتج
والله يحفظكم ويخليكم لبعض ويبعد عنكم الشر والحسد
المشاركة الأصلية كتبت بواسطة شيطونة111 وعااادي عندج ان الحرمة اتم برووحها فالبيت لمدة اربع ايااام
واهله عندهم غيره تراا اهلهم كلهم بيظهروون رباااعه
المهم فديتج اللي سويتيه صح ولا تخلينه يخليج بروحج
واستانسي وبتنورين دبي فديتج
والله يحفظكم ويخليكم لبعض ويبعد عنكم الشر والحسد
100%
بس انتي ليش ما تستغلين هالفرصه و تصفين النيه و تحاولين ترجعين العلاقه …سبحان الله ما تدرين
لو مول شاله الفكره من راسج احجزي انتي و ريلج في مكان مختلف في دبي و مروا عليهم سلموا و يلسوا وياهم شوي عقب اطلعي اتمشي انتي وياه .. ترى العيد في دبي فننننننننننننننتك *_^
و ان شاء الله تستانسين غناتي