يتحروني بنته

شحالكن يا حلووووووااات

مادري كيف ابدء في الموضوع بس صدق صرت وااايد اضاايج يوم اظهر مع ريلي

والسبب الناس تتحراني بنته هب حرمته

مع ان ريلي هب عوود عمره 21 سنه وانا 18 سنه بس هو مشالله عليه عريض هو هب متييييييين لالا بس طبيعة جسمه عريض بس مره ظهرت معاه دخلت محل في المول كنت اخذلي بدل وكان معاي جيس وانا داخل كنت اقايس وظهرت وتريت البدل ونسيت الجيس جان ايي الريال يقول حق ريلي بنتك نست كيسها خخخخخ جان يقفط ريلي

مع اني هب قصير بالعكس طولي اووكي بس ويهي بيبي فيس كل حد يقولي ويهج بيبي فيس

شو اسوي خبروني

وعلى فكره انا عندي ولد عمره 1 سنه ونص بس يوم اظهر اسير عياده والا شي يتحرونه اخويه

شو اسوي بعمري خبروني

احمدي ربج ههههههه

خخخخخخخخخخ قولي الحمدلله
عقولت حزن الحين نحن قوم 21ويتحرونا اكبر من هالعمر

ربج كريم
واحمدي ربج ع هالنعمه..ولاتبيينين شي لريلج عادي ..مشي السالفه

تسلمن خواتيه على الردود الحلووه

المشكله انه هو يقولي عااادي انا عايبني خخخخخخخ

عادي أختي ما أشوفها مشكلة
ارضي واقنعي وقولي الحمد لله

انزين حلة المفروض تكونين مستانسة على هالشي

احمدي ربج حلاته البيبي فيس ..
وبعدين عن ريلج مب مشكله قوليله انهم يتحرونج ياهل .. وبعدين الريايل عادي عندهم مايحبون الحرمه يبين عليها الكبر..