مممم مشكلتيه هاي مسببتليه صداااع و ارق و هم
اول شي انا مالجه >> عسب ما تحطوون فبالكن انيه اسويه له حركااات
انا اداوم و يداوم معايه ريال معرس
و بسهوله يقدر ياخذ رقميه من القسم يعني ماريد حد يقوليه غيري رقمج ..
المهم كان يطرشليه مسجات و انا اطنش .. دومه يطرش انتي ملاك و انتي قمر و لو منقبه و مره طرش اسمحيليه شفتج و انتي في المكتب عاقه النقاب اسمحيلي شفتج بس انتي طرر !!
ما قدرت اطنش .. خليت ختيه تتصل و سمعت الصوت و خليتها تقوله انت منو ! قاللها انا فلان ! قالتله السموحه و بندت
اليوم الثاني قلت له ان ختيه الي متصله و هددته !! بس ماشي فايده ! حتى في رمضان يحطليه ورود و مادري شو !
حدر علي المكتب و شاف المنتدى قال حتى حرمتيه وياكم في المنتدى و كلمنيه عنها و يلس يضحك
قلت له انت معرس و انا مالجه شو تبى
قال حرمتيه هب مقصر عليها بشي و هي مرتاااحه
لو اخبر اخويه و لا ريلي بيلسوونيه في البيت !!
انا آخذ تدريب ماقدر اوقف ما بقى شي !
اخاف حرمته تشوف المسجات الي مطرشنهن و تتحرانيه انا الي اراكض وراه !! شو اسوي !
طلبت نقل و ما وافقوليه !!
نصحووونيه
ولا تسوين له سالفة ولا خلي ريلج ايي الدواام زيااارة وسولفي واضحكي وياااه عسب يعرف انج ما بتخونين ريلج وقوليلة اذا ما وقفت عن هالحركات تراني بخبر اهلي
انا اقولج كلمي مديرج اللي هو مديره وخبريه بالموضوع وهو بيتصرف او بينقلج او بينقله او انهم بيوقفونه عند حده وحلي المشكله قبل لاريلج يشوف المسجات وتستوي مشكله امبينكم
معرس وجي
انتي سوي خير ولا تردين على مسجاته خير شر
الحقران يقطع المصران
وبالطريقه هذى بيتادب وبيغتشي على عمره
اعوذ بالله من هالاشكال في نهار رمضان ويسوي جي
مب لازم تشتكين هدديه انج تخبرين احد من هلج ولا ريلج
ولا قوليله انا اقدر اخبر حرمتك و بكبسة زر اهدم حياتك وبجيييه صدقيني يخوز عنج
وبخليج فحااالج …
الله يهديه ويهدي شباب المسلمين ..والله المستعان
بس الرياييل في الدوام هالأيام.. معظمهم يغازلون اللي يداومون وياهم..! و اللي عنده درزن عيال بعد و تلقين حرمته إنسانه ماشي شراتها
المهم.. إذا مب حابه ترمسين ريلج.. رمسي المسؤول و هذا يعتبر.. سوري على الكلمة.. بس يعتبر Sexual Harassment .. لأنه يالس يتعدى ع حقوقج و خاصه إنج مالجة