يـا قـو قلبـك عـلـى الـصـده ويــا صـبـرك

شحالكن بنات وحريم منتدانا ..ربكن إلا بخيير

بدش فالموضوع ع طوول وبقولكن سالفتي واتمنى منكن تساعدني..

من استويت ع هالدنيا وانا عندي ربيعه وحده بس امووت فيها وهي شرات اختيه الصغيره واغلى بعد .من استويت وهي ويايه وعمرها مافارقتني فكل شي هي ويايه درست ويايه جميع مراحلي الدراسيه…

ومن يوم نحن صغار كنا شرات التوام فكل شي نطقم ..ونسير مع بعض المولات والقريه كل سنه نسير رباعه وعزايمنا تحضرها جنها وحده من خواتي ..

واخوانا إلي اصغر عنا بـسنتين امي وامها مرضعينهم مع بعض ونفس الشي يدرسون رباعه وجي جنهم خوان بس انا علاقتي وياها غيير
يعني حد الابلوات فالمدرسه كانو يشكون انه بينا شي من كثر مانحن نحب بعض ..

وهي كانت كاتمه اسراري وكل شي يستوي لي هي اول حد يعرف موول مانخبي ع بعض شي..

بس كنا نضارب ونرد ولاجنه صار شي وعلى هالحاله..

والشي إلي فرق بنا صدق وانا زعلت من قلبي

انها من 8 شهور ملجت ولا قالت لي وانا كنت فالسفر؟؟

يعني بالله عليكم شو شعوركن واختج توم روحج تملج وانتي هب عندها يعني هاليوم انا إلي لازم اكون وياها وافرح وياها ..

وملجتها ربيعتي دقتلي وعطتني ارمسها وباركتلها وعبرتي تخنقني ومانكر ليله ملجتهااااا صحت لين حسيت اني خلاص ماتحمل

ماصحت عشان شي بس لانها اختي ومن حقي اكون وياهااا

فيوم رديت البلاد يت عقب 3 ايام واول مايت حضنتي وتمت اصيييح وانا حتى صحت وياها وكانت تقول شو تتحرين عمرج هب غاليه عندي وعقب سولفت وياها عادي ولاجنه شي

بس من عقبها قطعنا بعض يمكن لمده 4 شهور

وفهالاربعه اشهور دقيت لها ورمستها وهي كانت عادي جامده واايد

المهم وعقب امها يت بيتنا تسلم وربيعتي كانت فالسياره وماطاعت تنزل تتخيلوون؟

وامها اول مادشت حضتني وتمت اصيح واتقول انتي بنتي ماعرف الشوو وشو إلي دار امبينكن وفرقكن عن بعض والدنيا ماتسوى ومن هالكلام البايت

المهم امها دقت لها تليفون واتقولها انزلي سلمي ع امج إلي هيه امي ..

وامي اصلن ماكانت موجوده كانت مسافره

والبنت ماطاعت وعقب امها قالت لي رمسيها انتي وانا وطيت ع كرامتي ورمستهاا عشان تنزل

ونزلت البنت واول مادشت بيتنا صااحت!!!!!

المهم وعقب تراضيناا لفتره وردينا عقب وقطعنا بعض..

وعقب اخوها سوى حادث وسرت انا بيتهم عاادي ولاجنه مستوى شي سلمت عليها من باب الواجب لان اخوها يعتبر اخوويه ..

وعقب تمت هي اتي بيتنا بين فتره وفتره

وعقبها استوت سالفه بيني وبينها وبين ربيعتي إلي وايد ويايه وبين ربيعتها هي

يعني شي تافهه

وعقب طرشت لي مسج وقالت ماتوقعتج تطعنيني فالظهر معنى السالفه ماتسوى ومالها خص بالطعن ابببببد..

وعقبها طرشتلها مسج وبينت لها اني انا مالي خص وقلت لها الصدق

ومن عقبهاااااا موول ماطرشت لي شي إلا يوم توفى يدي الله يرحمه طرشت لي ((احسن الله عزاكم والدوام لله))

بدال ماتي تعزيني اطرشلي مسج حالها حال الغريبه إلي ماتعرفني؟!!!!!!!

ومن عقبها ماطرشت شي مووووول

واليوم دارت ع بالي وااايد ولقيتها اون لاين ورمستها عادي شحالج وبس وهي بعد ماقالت شي

قولولي شو اسووي هي واايد غاليه ماستغني عنهاا بس ماقدر بعد هالمره اعق عمري عليها؟؟؟