انا بنت عمري 32 سنه … مخطوبه و ان شالله بدعواتكم و التوفيق من الله عز و جل عرسي على السنه الجايه
المهم
نيجي للموضوع الاساسي
الوزن 
انا طولي 170 و وزني البارحه بتاريخ 30/8/2016 كان
99.5 كيلو
قولو ما شالله ههههههههه
المهم صار لي فتره و انا انزل و ارجع ارد الدبل
سجلت بفتنس فيرست بس ما التزمت
و كان لازم ارجع للمنقذ مالي
دز سمير سامي بمركز الرجيم الاماراتي الياباني
قبل سنتين اشتركت معاه شهرين و نزلت بالشهر الاول 10 كيلو و الثاني انا خبصت عن جد و نزلت 2 كيلو
و ما رجع وزني الا بعد سنه و زياده مع تخبيص محترم جدا هههههههه
انا مشكلتي دوامي طويل
من 8 صباحا لين 6 المسا
و اتعايز اسوي اكل و اشله وياي
المهم
امس رجعت للدكتور
و عملت اشتراك 4 شهور
و قال ان شاللله بيوصلني لل 65 كيلو
قلو امين
فانا حابه في ها الموضوع اكتب يومياتي و تشجعوني يا بنات
والله مليييييييييييت من ها الوزن
نبتدي اليوم ان شالله
الفطور كان بيضه مسلوقه و خبز توست اسمر ( شريحه واحده فقط )
و قهوة بدون سكر او حليب
مع حبتين الفطور طبعا و كاسين ماي
السنا : بيكون ع الساعه 11 تقريبا و بيكون شريحه و نص اناناس
الغدا : تونه بالماي و خياره
و قبل الغدا كاستين ماي و الحبوب
يلا دعواتكم يا بنات و تشجيعكم
صراحه انصح الكل يشترك فيه
150 مشاهده و رد واحد فقط !!!!!!!!!!!!
ما عليه انا بكمل
امس العشا كان شريحه خبز اسمر و سلطه روب خالي الدسم مع خياره
اليوم بتاريخ 31/8/2016
الفطور : شريحه خبز اسمر مع شريحتين مارتديلا + خياره + قهوة بلاك بدون سكر
سناك : شريحه اناناس
الغدا : رز ابيض كميه قليله و شريحه دجاج فيليه مشوي مع خياره
سناك 2 : شريحه اناناس
و بكره ان شالله بخبركم شو كان العشا
دعواتكم يا بنات
و ياريت التشجيع
واهم من انج بتعرسين حطي في بالج الوزن الزايد (((((((((( مرض )))))))))) الله يبعده عنا وعنكم
المشاركة الأصلية كتبت بواسطة كتكوتة حبيبي 
واهم من انج بتعرسين حطي في بالج الوزن الزايد (((((((((( مرض )))))))))) الله يبعده عنا وعنكم
اللهم امييييين حبيبتي
والله اني مرض
صرت احس نفسي ما اقدر اطلع و لا البس و لا احب اسوي اي شي اليوم كله رقاد بعد الدوام
الاسبوع الاول ممنوع الرياضه
بس ان شالله من الاسبوع الجاي
اولا بالبركة عليج الخطوبة وربي يتمم لج على خير وتكونين منيكان في عرسج
ثانيا الوزن الزائد كتلة من الامراض ويعطي الواحد اكبر من عمره وايد
ثالثا اتمنى لك نزول صحي وانتي بخير وسلامه
بالتوفيق غاليتي