يومياتي مع ريجيم دشتي بالصور ابتداء من اليوم ابا تشجيعكم ~

ويعل ايامكم كلها فرح وسعادة وتصبحون وتمسون ع الطاعه

اليوم أنا بديت بريجيم " دشتـي "

سبق ونزلت موضوع بس ما كملت ..!!

والسبب ضعف الارادة ..!!

بس ان شاااء الله هالمرة راح اكمـل ..~

في البدآآية اسمحوولي اقوولكم قصتي مع نزوول الوزن ..~

خوآآتـــي العزيـزآت ..~

أنا من شهر 8/2017
اشتركت في نيوترشن و الحمد لله نزلت معاهم 17 كيلو في ثلاث شهور ..~
كنـت 106 و حآاليـآ 89 الحمد لله نعمة احمد ربي عليها مليوون مرة =)
لكـن وقفت ..!!
بتسالوني ليش ..؟؟ والله مش عارفة يا خواتي ..~
نفسيتي تعبت ..!! وصابني ملل من الريجييمآآت ..!!
ادري اللي نزلت مب شووووية و المووضووع هاااان ..!!
لكن مب عارفة يا خواتي مش قادرة ..!!
((اللي جربت نيوترشن تعرف كيف ريجماتهم صعبة ))

طبعا انا موقفة نيوترشن من شهر 11 لكن الحمد لله وزني ما زاد
وكل يوم اجرب لي ريجيم و اووقف و ما كمل يوم ..!!
وجربت اخفف اكلي ما فاد وزني ما نزل ..!!
لاني اصلا يوم ما اسوي رييجيم مخففة اكلي واايد ..~

دوورت في النت عن ريجييمات اشكال والوان شفت ..!!
وكل شي بعيني صعب ..!!
وقريت ريجيم دشتي من فترة .. وشفت تجارب بنات ..
حمستني وااايد وشجعتني اكمل مشواري ..~

خواتي في الله ..~

انا محتاية تشجيعكن و دعواتكن الطيبة ..
والله نفسيتي تعبت ودي البيس اللي خاطري فيه ..~
ودي اعيش بصحة .. والله هالمتن مرض ..~
والحمد لله على كل حال ..~

أنا من اليوم بديت الريجيم و ان شااء الله بنزل لكم تقريري بالصور ..
واتمنى من اي وحده اتبعت هالريجيم تخبرني تجربتها ..~
واللي متبعتنه حالياا .. تشاركني موضوعي و نشجع بعض ..~
واللي حابة تنظم معاي وتبدا بعد حياها الله ..

واسمحولي خواتي ع الاطالة ..~

المشاركة الأصلية كتبت بواسطة ام مـوزة

خوااتي ..~

تفااصيل الريجيم موجودة في موقع الدكتور حسين دشتي

وهذا الراابط

https://www.drdashti.com/program_stages.htm

لي عودة مع تقريري =)

ما اتريقـت لانه اجازة و ناشة متاخر ..~

قبل الغدا شربت دبة ماي الصغيرة

https://uaewomen.net/upload//uploads/…348c525c83.jpg

و الغدااء كان عبارة عن همبرجر مشوي " كلت 2 بس " مع طماطم وملعقة مايونيز ..~

وبعد الغدآ شربت جرين تي ماخذتنه من الماريناا طعمه لذييذ نفس العصير ..~

وهذا الموقع للي تحب تعرف عنه اكثر
https://www.greenteahp.com/