السلام عليكم ورحمة الله وبركاته
كل عام وانتم بخير ..مع قرب رمضان تحدث امور وسوالف نسمعها من هنا وهناك
هذه قصص لشخصيات واقعيه نراها كل يوم ..ونسمع عنها
حصوه : تعبنا يا مريوم ماخلينا بيت حد من التجار الا وسلمنا عليهم
مريوم : اصبري باجي كمن بيت لازم نسلم عليهم علشان يذكرونا بزكاة اموالهم
حصوه : الله يغربل بليسج ماشبعتي من الزكي اللي خذتيهن
مريوم : بعدني عندي التزامات وايد صبغت الصاله وغيرت الستاير باجي الكراسي ترا انجدد حق العيد
حصوه : عنبوه اونج فقيره وتستحقين الزكاه وانتي تلعبين بالفلوس
مريوم : اميه انا احسن عن غيري ماشفتي موزوه تيمع الزكاة وتشتري ذهب ولا حمدوه واعده ولدها من تستلم زكاه تشتري له لعبة سوني اليديده
حصوه : هيه والله انا خاطري في موبايل بلاك بيري عسى احصل مبلغ عود يا الله نسلم على بيت خميس يزكون بالخمس الالاف كل سنه
*************************
في اليوم التالي
مريوم : حصوه فجي الباب يايبه لك مير الشونه
حصوه : الحمدلله الاستور انترس من يواني العيش والطحين والحليب
مريوم : بعدني بسير بيت الخير يعطون كوبونات
حصوه : حرام عليج بيت الخير انا من اشوف صندوقهم قلبي يعورني .gif "12 (15)")
احط اللي الله كاتبنه وانتي في الاخير تاخذين صدقات الناس
مريوم : اميه بيت الخير يعطي البيوت المتعففه ..كوبونات ..وانا استحق ومافيها شيء اذا خذيت
حصوه : منو قالج انج تستحقين غربل بليسج المخزن عندج انترس من اليواني
مريوم : ماعليه منج الكل ياخذ وانا باخذ مثل غيري عليوه عندها اسهم واجارات وتاخذ من كل مكان
حصوه : ياريت يعطونا زعفران وايد غالي
مريوم : هيه والله العيوز عندي تحب الزعفران ..ضاربتني الا تبغي تشتري ..سعود ولدي قال لها
يدوه انتي محنيه شعرج ومستوي مثل الزعفران احمر ..انتفي من شعرج ارخص
حصوه : ههههههههه الله يقطع بليسه سعود دوم سوالف ويا امج
**************
في اليوم التالي
مريوم : فجي الباب يا حصوه لقيت مكان يوزع روشن رمضان
حصوه : يا الله بصباح خير ادري مؤسسة خليفة للأعمال الخيرية يعطون روشن رمضان وانتي مسجله اسمج
مريوم : لا لا
حصوه : وين عيل هالمره
مريوم : الهلال الاحمر .gif "12 (78)")
حصوه : شو قلتي الا الهلال الاحمر حرام عليج.gif "12 (37)")
بقلمي ارجو ان يعجبكم
تسلمي عالمـــــــــــــوضوع
المشاركة الأصلية كتبت بواسطة حبيبي مدلعني 
تسلمي عالمـــــــــــــوضوع
الله يسلمج يا الغاااليه مشكوووووره
المشاركة الأصلية كتبت بواسطة دلHوعة امها انا ما اقصد الناس اللي ياخذون الشونه …في ناس ياخذون زكاه وغيرها حتى الشونه وهم مب محتاجين …وكم اكتشفوا ناس من هذه الفئه …انا ماقصدت الكل بعض الحريم مصخوها شوي
وكم سمعنا سوالف عن ناس مايستحقون الزكاه وبعد ياخذونها …وليش نسير بعيد انا اسمع سوالف
حريم ماشاء الله مايستحقن الزكاه وعندهم اجارات بس بحكم العاده يعطونهم زكاه …وانا كتبت الموضوع من باب الدعابه اسألي اي حد بتلقين نماذج من هالحريم ..وترا سالفة الهلال الاحمر حقيقيه
وصاحبة القصه خبرتنا ..والحريم الله يهديهن لو بتنصحينهن ماتيبهن النصيحه
وهذا هو الواقع المر …في ناس يستحقون وفي ناس مايستحقون ومثل ماقلت هذا الموضوع من باب الدعااابه