ْ~ العناية الليليه لبشرة الويه ~ْ

انا عن نفسي استخدم غسول كلين اند كلير العميق
بعدين احط كريم العنايه الليلي من جونسن اند جونسن
و تيني هفات احط مسحه خفيفه من الفازلين قبل لا انام و اكثره ع الشفايف

وبس لوول

موضوع حلو …

طبعا أهم شي انكم تنظفون البشره زين ما زين قبل لا ترقدون …

أنا كنت وااايد أهتم ببشرتي لكن من عقب الربا أهملتها لكن رجعت أهتم فيها في هالفتره الحمدالله بعد ما كبر ولدي …..

شوفوا طريقتي …

أول شي أنظفها باستخدام مقشر أنيو Anew.. أو صنفره فير ون fair one … أو أي غسول ثاني ما تفرق …

وعقب أحط عليها مرطب و بصراحه أحب مرطبات لوريال … أحسها صج تغذي البشره …
و كنت أستخدم قبل مرطب من Anew ليلي واااايد حلو … لكن غيرت .. تراني أحب التغيير عموما .. بس طبعا البشره بالليل تحتاج لترطيب لأنها تفقد واايد طول اليوم …

وطبعا ما أنسى عيوني … لأني ما شاء الله أعاني من الهالات فلااازم أهتم فيها أشوي ..
وان شااء الله يفيد وياي الكاربوكسي ثيرابي وأفتك من المعاناه … أدعولي تراني صج تعبت من الهالات …

و طبعا أحط مرطب لابيلو الأزرق أو الكرز ..

وهاي صور المنتجات اللي استخدمها ..

مقشر أنيو …

كريم الليل مغذي للبشره ويقاوم علامات التقدم بالسن من أنيو بعد ^^

كريم مرطب من لوريال .. نفس الشي يجدد البشره ويقاوم علامات تقدم السن ..

كريم للهالات من لوريال .. حبيته بصراحه .. ^^

منتجات فير ون … ممتاااازه ..
أستخدم الصنفره .. روووووووووووعه ..
تنظف وتنقي البشره و تفتحها ^^

وأحلى مرطب شفايف بصراحه … لابيلو وبس ^^

و بقولكم على سر بعد … مرات أحس ويهي صاير دهني زياده فقبل لا أرقد أسمده بالبودره خخخخ
بودرة الأطفال أو بودرة الجسم العاديه ^^
و يوم أنش الصبح أقول واااااااااااااااااااو حق عمري من حلات بشرتي ^^ خخخخ
جربوها ما بتندمون .. بس ما تنفع للي بشرتها مرهقه أو جافه ^^

وسلامتكم …

والله موضوعج حلو لأني الصراحه ما احطي شي حق بشرتي قبل لا ارقد احس اني هاملتنها بسبة الحمال……..

حبيبتي بثينه ياليت تخبرينا من وين تاخذين المقشر انيو ولوريال وحتى مرطب الشفايف ياليت تفيدينا…
والسموحه

طريقتي المتواضعة اني أمسح ويهي بالتونك المبيض من لوريال
وبعدين أحط كريم الليل بعد من لوريال
وكريم الكولاجين بعد من لوريال ( مدمنة لوريال)
وعلى شفايفي أحط بلسم توتال أيفيكت من أولاي
وأمشط شعري بالمشط مال بودي شوب
وأخيرا أشرب ماي مخلوط بماي ورد وأرقد