(())

مااااااااااااااااا شاالله شو بقا فالجمعيه بعد خلاص إنخمت من بعد إختي بنت القطاره خخخخخخخخخخ أمزح
مشكوره الغاليه ماقصرتي شي حلو ……….. الحين دور الاكلات
شو ناويين تسوون اول يوم رمضان أنا الصراحه بسولي جدول عشان ما أيلس أفكر وأعور راسي فرمضان

هلا والله أختي حتاوية

شكلنا كلنا بنخم الجمعية بس هالسنة بنحاول نقتصد مع غلا الأسعار وبنشتري من كل شوي

(عن خاطر الصيام عندنا)

فطورنا في رمضان فيه أشياء ثابتة ما تتغير تقريبا كل يوم مثل الشربة والعيش أو الثريد والسلطة

واكون مسوية اشياء وحاطتنها في الفلريزر مثل الفطاير والسمبوسا وورق العنب

والحلويات انوع كل يوم شي

بس أهم شوي ما اسوي وايد عشان ما يروح الكشرة

مشكورة على مرورج

ما شاء الله كل هاي أغراض لرمضان!!!!

واحليلي أنا عندي ربع الاغراض المذكورة فالموضوع!!

فالبداية حسيت الصراحة مبالغ فيها،، لكني نسيت حقيقة انه اصلا ما شي غيري انا ويلي فالبيت .. نسيت احسب حساب الاهل والجيران والبشاكير هههههههه …

يزاج الله خير أختي عالموضوع ،، أخواتي عطوني أفكار أختكم ست بيت يديدة وهذا أول رمضان لي فالغربة :"(

ياريت كل وحدة تقول شو جدول الطبخ مالها للرمضان وشو الاكلات اللي ممكن الوحدة تسويها وتحفظها بالفريزر..

وسمحولي..

والله اتلعوز شو اطبخ فى رمضان

وان مثلج بس اول يوم لازم قطايف ويا الكنافه من الحلويات والباقى ثابت هريس عيش شوربه سلطه ثريد هذا يومى و الحلويات على حس اشهوة هل البيت وحسب الظروف

يا حليلج والله اختي مغتربة ذكرتيني بأيام الدراسة والغربة

شوفي يا حلوة أنا عيالي شباب الله يحفظهم وبيتنا مدخول دوم يعني ضيف داخل وعزيمة طالعة

وأحب أشكل في السفرة بس مثل ما قلت ما أكثر عشان ما ينجب في الكشرة ولأني أداوم في

رمضان أحب أكون موفرة كل شي في المطبخ عشان وقتي ضيق وما أبا اتم ماسكة خط

الجمعية

أما أنتي وريلج يحليلكم بعدكم هصافير وماله داعي اللعوزة وخصوصا انكم في الغربة

حاولي تسوين اشياء وتحطينها في الفريزر مثل الفطائر وغيرها

الله يفج غربتج وتردين البلاد ومشكورة على التواصل