3step من كلينك ,لازم تجربونه :)

السلام عليكم ورحمة الله وبركاته

بدخل في الموضوع سيده

انا اشتريت هالمنتج من كلنك اسمه 3step طبعا سعره حوالي 350 درهم تقريبا
وتلقونه في باريس غاليري ودبنهامس…الخ

هالمنتج وايد عليه اقبال ومتكلمين عنه وايد في يوتيوب
لها السبب انا قررت اشتريه واجربه وطلعت تجربتي ناجحه

طبعا في أول كمن يوم يعني اول يومين او ثلاث ايام راح يظهرلكم حبوب ويسبب شوية جفاف طبعا ها شي طبيعي لانه بيطلع الدهون والاوساخ المختزنه تحت البشرة ,بس بعدها راح تعتدل البشرة وتستوي تمام وراح تحسون بالفرق

طبعا لكل بشرة نوع معين يعني انتو تخبرون العامله او العامل بنوع بشرتكم سواءا كانت عادية او مختلطة او دهنيه

طبعا هالمنتج يتكون من ثلاث خطوات :
1- الغسول
2-التونك
3-كريم الترطيب
ويستخدم مرتين في اليوم صباحا ومساءً

صورة من النت:

[IMG]https://www.hayah.cc/upload/*****/image_1340155169.jpeg[/IMG]

ملاحظة : بنات الي عندها مشاكل في بشرتها مثل حب الشباب اشوف انه تستشير طبيب الجلدية اضمن وبليز يابنات انتو بالذات لاتغامرون في ويهكم لانه ممكن يزيد المشكله {{هالكلام للي عندهم مشاكل في بشرتهم

والي جربته تقوللنا عن تجربتها

وبس

استخدمته لفترة طويلة وارتحت له وايد

حالياً استخدم من كلينيك anti blemish وبشوف النتيجة ان شاء الله

نورتي يـREEM

للرفع

أنا من فترة كنت استخدمه .. اللي للبشرة المختلطة .. بس ما كنت استخدم المرطب .. استخدمت الغسول والتونيك والمنظف الmilk .. ووايد كنت مرتاحة ومستانسة عليهم ..

منتجات الغسول ما تعيبني

بس الmakeup تعيبني مثل الجحال والروج

انا استخدمه وفعلا ممتاز