تساعدوني عشان تتغير النظرية الحفرية في راس ريلي …
تصدقون ماكد مرة ريلي راضاني ..لازم في الحياة الزوجية تصير مشاكل بس المشاكل اللي عندي أنا غير…
كل مرة يزعلني ريلي أنا اللي أراضيه (شكله تعود على الشغله) أتمنى مرة يقولي سامحيني ما تهونين علي…أو إذا زعلني يحضني …أحيانا والله أخاف من ربي يوم يحتاج الجماع أعطيه بدون تردد وحتى لو كنت زعلانه بس شوه عقب ما يخلص شغله أقعد أصيييييح بحرقه وما أخليه يشوف دموعي أحس إنه ياخذ غرايزه بدون إهتمام لمشاعري..
فترة طويلة وما كتبت هالمشكلة ..اللي زاد الطين بله إنه من فترة كان زعلان لسبب تافهه كالعادة ولما رحت أراضيه دفرني ودزني …وااااايد تقصصت وياليته حس مكمل زعله الريال،طرشت له مسج وقلت له مالك حجه تكمل زعلك يييت أراضيك ودفرتني والريال ما يدز حرمته بها الطريقة ..وما رد علي
شو تبوني أسوي.. المشكلة مكمل زعله ولا هامنه شعوري..ع فكرة الريال ماب مقصر وياي بشي أبد راحة وعيال وسفر وغيره…
ودايمن يقو ل أنا بطلعج من دوامج يمكن يتحرا الدوام يقويني عليه رغم إني قايلتله إني بطلع من الدوام في الوقت المناسب عشان ما تحشرني عليه بس كمل صرفك علي وشوف إلتزاماتي..
شو تبغوني أسوي وياه الظاهر تعود على المراضاه أبغيه يحس بقيمتي ..بس كيييف؟؟ لا تقولولي روحي بيت أهلج !!لأني ما أحب أكبر المشاكل أبغيه يحس فيني
يحس فيني
يحس فيني
ويحس بقيمتي وصبري وبس
ع فكرة دايما أيلس معاه بجلسات صراحه بس شكلة الإسلوب ما يناسبه (كلام الليل يمحيه النهار) ودايما أنا اللي أخلق هالجو وانا اللي أتكلم وهو صاااامت
اتخذي عاه الاسلوب التالي ..
إذا غلط لا تناقشينه بس لا تعطينه ويه احقريه شويه ,. وجربي يمكن يحس ويرجع يراضيج حتى لو الموضوع خذ كمن يوم .. حتى رمسة لا ترمسينه يوم تبين شيء ضروري طرشي له مسج او حطي له نوته .. وارقدي بعيد عنه .. بس لا تطلعين من البيت
جربي يمكن يحس على دمه لو مرة وحدة
والسمووووحة
ممممممم اعتقد اغلب الرياييل جي عندهم عيب انهم يعترفون بغلطهم او يعتذرون مع انه مرات يدرون انهم غلطانين
ويا حبيبتي علشان الحياه تمشي لازم لازم واحد منكم يغض الطرف عن الثاني وما يدقق على كل شي انه ادري وحاسه بالي تحسين فيه
تبين واحد يقدرج ويحس بجيمتج ويبين لج انج ما تهونين عليه
بس من كمن يوم كنت اقرا كتاب بعدني ما كملته بس يتكلم عن كيف نتعامل مع الي اطباعهم صعبه ونكسبهم
اول شي لازم انتي تتغيرين وتغيرين طريقتج فالتفكير يعني تستوين ذكيه شويه وتحاولين تكسبينه وتتقبلين زوجج بنفس اطباعه لكن تحاولين معاه بذكاء
يعني اذا ما عيبتج الفكره الي يقولها تقدرين تقوليله يمكن تكون الفكره الي تقولها صح ويمكن غلط
والله يصلح بينكم ويبعد عنكم الزعل ويقربكم لبعض
الرياييل..يحبون وبيموتون في الحرمة اللي تحقرهم…وتسوي لهم طااااف..وبالقو بعد..
أسمحي لي…ليش عودتي على أسلوب التنازل …أنت برايه..تكسرين نفسج جدامه..
الريال يحب الحرمة اللي تزعل…وتطنشه..عسب هو يركض وراها..هب أنت تركضين وراه..(السموحة..جرحتج..)
خليه..طنشيه..أنسي أسلوب المراضاه..وشوفي كيف بيركض وراج..
أنت من كثر ما كسرتي نفسج….أتعدى عليج..وأهانج..وانت لازم تحطين حد لهذا الشي..؟؟
ومش معناة اللي يباه..يحصله..ما فيها غضب لرب العالمين..
ترا الحق معاج..غناتي..ورب العالمين ما يرضى بالظلم….؟؟؟
وشرات ما خبرتج..جربي هالشي..وبتشوفينه كيف بيرجع لج..وبيموت عليج..وبيودر هاي الحركات…
والله يحفظج…
تغلي عليه جم من يوم واحكريه
بيشوفج طنشتنيه بيسأل شفيج
والله يهديكم ويا بعض ويوفقج وياه الغالية
عودتيه
الريال على ما اتعودينه والولد على ما اتربينه يا حبيبتي
انتي غلطتي من البداية لأنج عودتيه على هالشي
انج دايما اتراضينه سواء هو الغلطان ولا انتي
طبعا لازم تتغيرينو اتعودينه على اللي انتي تبينه
الموضوع يبيله صبر
والنتايج بتكون ولا احلى
اذا زعلتوا وهو الغلطان لاتعتذرين ولا اتروحين له لين هو ايي ويعتذر غصبا عنه
احقري وطنشي واثجلي