السلام عليكم ورحمة الله وبركاته
خواتييه
بين ملجتيه وعرسي 7 إلى 8 شهور !!
والريال من بوظبي وانا من اماره ثانيه
وغريب عنا –
وانا انسانه واايد انطوائيه وماعرف للناس وايد
توهقت 
اخاف املج واعرس شهر 3 ولا 4 !!
لان ريال ظروف دراسته بتخلص على هاشهر ف مايقدر الا بعد 7 شهور يعرس
ومصمم يملج واهله مصممين الحين لان ماعنده اجازه ولافرصه ثانيه ماااعرف شسوي
اخاف املج واتوهق وماعرف اتفاهم وياه طول هالشهور
يعني خصوصن مب من الاهل اخاف بكلمه ولا مشكله يبيعني
قلبه مابيعوره تراني لاقرب له ولاغيره
شسوي املج وعاديه هالفتره ولا شسوي
واذا ملجت كيف اتفاهم وكيف اكلمه
شو ابدء كلامي وياه !!
اول مكالمه وغيره اركز على شو من المواضيع
بنات انا بنت امي وابوي الوحيده واول وحده اعرس ف ماعرف شي والله
دخيلكن ابا حد يكون ويااايه
شو اقول وشو الي مفروض ماقوله
كيف اخلي علاقتي فيه سطحيه ولا عاديه ولا اتقرب واايد
ماااعرف شي
دعواتكن
كنت شراتج طمه وصرت خبره من وراهن خخخخ
احسج مكبره الموضوع .. عادي مافيها شي وايد بنات ياخذون غراب عنهم ومن اماكن بعيده عنهم بعد بس امورهم ماشيه وحياتهم حلوه بالعكس دام ان الريال شاريج يعني مب على اية مشكله بيبيعج لاتخافين ..
ان شاءالله المعرسات بيفيدونج ف باقي الاشيا وبيقولون لج شو اللي تقولينه باول الايام واللي بعدين يعني كيف تندمجين معاه بس مب ان علاقتج فيه اتكون سطحيه تحملي 
والله يسعدج يااااااااااااارب وهنينج ..