مراحب بنات .. وطباخات المنتدى المحترفات .. فزعتكم اختكم محتاجة .. ساعدوها
بقولكم انا اطبخ واسوي صوالين واضبطها .. بس تعالي بسوي عيش ابيض ليومكم ما ضبطته يا يطلع ماصخ يا يطلع مالح .. ياليت تعطوني مقادير العيش الابيض ضبط حتى مقدار الماي ضبط .. لانه هو اللي مخربط العيش .. والعيش عطوني قياسه ضبط .. انا امي تقايس العيش بقوطي الخبيص الفاضي .. ما ادري اذا امهاتكم بعد يسون جيه .. وعفكرة خواتي الكمية لازم تكفي 3 اشخاص انا وزوجي والخدامة وشوي حق ولدي عمره 9 شهور .. فديتكم والله بدعيلكم
أنا أستعمل قوطي الخبيص كقياس ( الجيله)
غسلي العيش وودنيه لمدة ربع ساعه وعقبها يوم بتوفورين الماي للعيش حطي ملعقة طعام ملح وخليه يفور واطعمي الملح أذا أوكي ولا يباله زيادة يعني حطي الملح بالتدريج وكمية الماي انا احطه بالنظر فانتي حطي تقريبا 12 كوب ماي وجربي وومكن اتضيفين ويا الماي زبدة او زيت وادعيلي اختي
البرياني ضروري تسلقينه ب الماي وعقب تشخلينه ام االبسمتي .. يستوي الطريقتين .. ويستوي انج تستخدمينه مع قليل ماي وتخلينه على نار هادية بحيث انه ينضج على كمية الماي الي فيه
اذا حطيتي كوب رز حطي كوب ماي .. وزيدي شوي لو نشف .. اما لو تبين السلق كثري ماي وخليه يغلي .. وحطي الرز وملحيه واطعمي كل شوي والثاني ز وعقب اشخليه عادي