حبييت أحط لكم تقرير رحلتي القصيرة للأراضي التركية (اسطنبول ) بالتحديد…
بما انها الزيارة الثانية لتركيا،، سرنا بدوون توور..
حجزنا التذاكر وطرناااا…
تاريخ 17 الساعة 2 و 45 دقيقة فالليل كانت طيارتنا.. ووصلناا عالساعة 7 وشي…
هذا منظر من الجو…
واهني قريب نوصل المطاار..
وصلنا الفندق عالساعة 9 تقريبا… طبعا كان اخوي وحرمته ويانا..
حجزواا قبل ففندق فشارع تقسيم،، نسيت اسمه الصراحة ،، بس ماااااا عيبنا أببدا..
اول ما وصلنا قلنا بنرتااح كمن ساعة،، ورقدنا للساعة 2 تقريبا…
بس متناااا حر…
المهم خلينا هاليوم يعدي على خير،، اليوم الثاني شلينا قشناا وسرنا فندق لاريس بارك فنفس الشارع،، بس أحلى وأرقى..
حجزنا الجنااح الملكي .. واايد ارتحناا فيه..
حجزنا 6 أيام بـ 15 ألف درهم…
وهاي بعض الصور من الفندق..
صالة الجنااح..
فيه طاولة طعام،، ومطبخ وصالة جلوس وحمام..
الدري اللي يودي للدور الثاني
وصلنا الدور الثاني
طبعا اهني عندنا حجرتين مع حمامين..
اهني الحمام،،
وهاي الحجرة الثانية..
تـــــــــــابعوووووني
نشيت وسبحت اليهال وطلعنا نتمشى…
قررنا نروح المساجد والمتاحف العثمانية..
سرنا أيا صوفيا والسلطان احمد ..
كاان الجو مشمس،،، واشوية حر.. بس اهون عن حرنا بمليووون مرة لوول…
وهاي بعض الصور ..
بصراحة،، عندي صور اكثر واحلى بس ظااهرين فالصور…
متابعه
على فكرة ،، احنا اللي حجزنا التكسي وتفاهمنا ويا الريال بصعووبة طبعا ،، لانهم ما يعرفون عربي ولا انجليزي..
بس طلعت أسامي المناطق بلغتهم من النت،، ومشينا حالنا…
وصل الليل،، وردينا تقسيم..
وفطريقنا شفنا عازف شييبة..
وسرنا شارع المطاعم.. ويلسنا فمطعم أكلهم رهيييييييب الصراحة،، كبابهم والشيش طاووق..
كان خاطري فاسكندر كباب،، وايد يمدحوونه بس ما صاار لي نصيب،، كل ما نروح مطعم يكون مخلص..
لانه تعبنا واايد اليوم الاول ..
قررنا نسير منطقة (أيوب) فيها تلفريك صغير يصعد على تلة.. فيها كقهى وكفتيريااا…
المنظر من فوووق…
منظر القبوور عالجبل…
شووفوااا الزحمة..
أذكر يوم سرت من سنتين ما كانت الزحمة بهالشكل…
!!!
واحنا راكبين التلفريك…
ويلسنا فووق التلة…
كان المكاان زحمة ولووعة بصراحة،، من كثر ما يدخنوون..
بس الجو رهييييييب والمنظر رووعة..
شربناا شاايهم اللي يضبط الراس خخ ..
وعقب فترة طلبنا اسكريم،، لذييييييييذ الصراحة..
