استفسار عن السفر الى ماليزيا

السلام عليكم خواتي

بدخل في الموظوع

أبغي أسير ماليزيا 4 أيام فقط وي زوجي و اطفالي (طفلين)

و حابة استفسر منكم عزيزاتي عن شركات السياحة و السفر و الطيران .. حابة اعرف كم تكلفة الرحلة من دبي الى كوالالمبور 3 ليالي + ليلة واحدة الى جيتينج

حابة اعرف الاسعار شاملة التذاكر و الفنادق 4 نجوم .. من غير مواصلات بنركب تكاسي عادي

اتصلت في الامارات للعطلات صراحة اسعارهم وايد غالية ظووو

قالولي 4 ايام الى كوالامبور ب17000 درهم

صراحة غالية على 4 ايام فقط
لذلك خواتي منو تقدر تساعدني او تخبرني عن تجربتها في السفر الى ماليزيا و اسعارها لأربع ايام فقط لا غير

ساعدوني عزيزاتي و لكم الأجر

حبيبتي حجزي من النت الفنادق والتذاكر

التذاكر عن طريق موقع طيران الاتحاد او الامارات أو الماليزي شوووووفي الأرخص لج
ا
بالنسبة للاربع ايام هيه صح شووووي بس تغييييير جووووو ليش لا

انصحج بسلانجووووور 40 دقيقه عن المطار في فندق صن وي لاقون
فيها مدينة الالعاب بيستانسون منها الألعاب ومركز قريب للتسوووق اذا تبوووون تشوفنه وتمشوااااهناك
ومنها تروحون جنتغ يوووووم كامل من اول الصبح لين المسا
ويومين تلفووووون في كوالامبووووور اذا بتسكنين في شقق فندقيه اسكوت قريبه من التوأمين التاور

أو

اول ما تنزلين من المطار تسيرين جنتغ فندق فيرست ووورد (الغرف الكلوب اوووووسع وافضل)
تليسين يومين
وعقبها يومين سلانجور صن وي لاقوووون

الفنادق حجزيهن من موقع بوكينج سهل

او مووووووووووقع دليل ماليزيا يرتب لج ويحجز لج ما جربته بس فيه بنات من المنتدى جربنه اظني

بالتوفيق

مشكورة اختي ما قصرتي و الله
لكن نفس ما قتلج طيران الامارات وايد غالي و كذلك الماليزية سعر التذكرة 3500 درهم للشخص الواحد

بدش الموقع اللي قلتيلي عليها و بشوف الله يكتب اللي فيه الخير
مشكورة يالغالية

الغالية حرام 4 ايام ما تكفي .. بتقضين وقت فالمطار والطيارة اكثر من البلاد نفسها
بالنسبة للفنادق .. اذا انتي من راك روحي وكاله الامارات للسفريات .. اتوقع جي اسمه
ف نفس سيد مكتب طيران الامارات .. بيعطيج اسعار حلوة ..

بس اذا تبين نصيحتي .. اقعدي في جراند ملينيوم .. 5 نجوم فخم و وايد حلو .. وموقعه استراتيجي ..
حولج مطاعم عربية وشي مركز تجاري اغلبه ماركات بس رووعه

واذا عندج اي استفسار انا حاضرة