اولا بالنسبه للجو كان وايد بارد ومطر وحلو وبعده السنو ما طاح السنه اتأخر عندهم …
ثانيا لندن كلها سيل لي يبا يتشرا يزيد الهمجه خخخخخ
ثالثا واهم شي طبعا كنت اتمشى فالهايد بارك وليتني ما مشيت فيها يانا شخص وسألنا وين الصرافه هنيه طبعا انا بطيبتي قتله سير الاكسفور هناك صرافه المهم وروحنا عنه ووقفنا نطالع السناجب واشويه رد سألنا كم يساوي الباوند باليورو قتله ماعرف دقيقه يونا شخصين حاطين سماعات في اذنهم ولابسين لبس عادي قالولنا شو تسوي قلتله هذا الشخص يسأل عن الصرافه قالي هنيه ممنوع ترمسون قتله ليش قالي نحن امن الحديقه وهنيه ايون اشخاص يسرقون السواح ويبدلون عملات ويعطونهم عملات مزيفه ومخدرات ومن هاي السوالف قتله لا نحن ما يخصنا قالي وين ساكنين قتله طبعا الفندق قالي كمن يوم بتمون هنيه قتله اسبوع قالي اوكيه وكم شاله قتل ليش تسأل قالي هذا برسيجر عادي المهم قالي فتحي الشنطه وجاف الباوند لي عندي ورده فالشنطه وقالي راويني هاي المحفظه فتحها وجاف الدراهم وعدهم المهم قتله هاتهن قالي لا انا بحطهن فالشنطه اشويه اميه شكت فالموضوع قالت حق ناس مارين اذا سمحتو بصوت عالي طبعا هايلا شو سوو قالولنا قو قو خلاص يوم وصلنا عند الاجانب قلنالهم في امن هنيه فالحديقه يلبسون لبس عادي قالولنا لا يوم فتحت البوك سرقو لفلوس بطريقه سحرررررررررررررريه يا جماعه جدامي رد الفلوس كيف اختفو مادري المهم يا حبيباتي المغزى لا توقفون لأي شخص ما يرمس بريطاني 100% وفي عندهم قانون ممنوع اللمس يعني ما يقدر يلمسج ولا يفتح الشنطه الا بأذن من الشرطه طبعا ها الشي اكتشفته عقب السرقه المهم .gif "12 (99)")
الفلوس اتسير وترد اهم شي الصحه والعافيه وهذا درس اتعلمته خخخخخخ
ورحله سعيده حق لي سايرين عقبي .gif "12 (13)")
وحمدلله على سلامتكم
وييه زين الله سلمكن
يختي هائلا تخصص نشل
وخاصه باريس 
الحمدلله ع السلامه ونتريا التقرير
طبعا مع الصور ^^
حلاتها لندن في الشتاء . .
نتريااا الصوور
كلهم عبارة عن نفس الشلة
واحد يسوي عمره بيسرق عشان تشكون فيه
والباقين ييون ويقولون اتحذروا وهاتوا جوازكم وبطلوا الشنطة وكله تمثيل