بنات أنا سايرة ماليزيا إن شاء الله و هاي أول مرة أسير
و عقب السفرة بمدة عندنا عرس
فهل في أشياء هناك أقدر آخذها للعرس من فساتين و هالسوالف
أنا أحس فساتين الاعراس عندهم سمبل نفس مالت الاجانب
بس إذا عندكم فكرة وين أقدر ألقى قولوا لي وين .. و الأهم الأسعار
إذا هني أقل باخذ من هني ما بعابل ويا الفستان من هناك لين هني .gif "12 (61)")
و ثاني شي أبى آخذ فكرة عن الحديقة المائية شو فيها ؟
و مشكورين
انا رحت ماليزيا الصيف اللي طاف بس الرحلة كانت ترفيهيه اكثر منها تسوق مع ذلك رحنا كمن مول عندهم تقريبا نفس الماركات اللي اهني ونفس الاسعار بعد شخصيا ما اظن انه عندهم فساتين ستايلنا احس بتكون فساتينهم من الماركات العالمية اللي تكون مايلة للبسيط والسمبل
الحديقة المائية اسمها سان واي لاجون واهي عبارة عن خمس حدايق طبعن معظمهم لابسين لبس بحر يعني ما احس تنفع حق الحريم لانه مستحيل تسبحين جدام العالم بالعباية بس في العاب ثانية في بيت الرعب صراحة لوع بجبدي وفي حديقة الحيوانات اهني اليهال بيستانسون بس ها اللي اذكره
سفرة ممتعه
انتظر مزيد من الردود
… الحمدلله ….
… الله أكبر ….
ماليزيا اتجنن وانا واااايد استانست فيها .. سوقها خبااااال
انا شفت كذا محل فساتين بس مادخلت اسومهن!! لأني مابا فساتين
في مول اسمه براجايا تايم سكوير.. وفي كذا مووول عنده محلات فساتين بس مب متأكده منهم
اما اذا تبين اسامي المولاااااات.. عندج برافليون ، سوريا ، ميغا مول ، براجايا تايم سكوير وشارع العرب يمكن فيه 10 مولااااات طبي واختاري وفيه مووول هناك كله ماركات بس نسيت اسمه
ولو تبين اي شي انا حاضره 
اختي انا توني رادة من شهر انا سرتلها مرتين وماجفت فساتين اعراس تستحق انج تشترينها عندنا وايد احلى قمصانهم واايد حلوة ورخيصة والنعل والشنط وملابس اليهال والقهوة والكاكاو هذي اهم الاشياء تقريبا اللي تقدرين تشترينها من ماليزيا
وبالنسبة لحديقة صن واي لاقون رووعة خاصة لو صغارية وياج وايد بيستانسون وفيها مول رووعة ملاصق للحديقة وفندق واذا روحج انتي وريلج خذولكم الفلل اللي فيها حوض سباحة وبتدعيلي
وتروحون وتردون بالسلامة