بصراحه هذي اول سفره لي لأوروبا وقاهرني ريلي معتمد علي فيها
من ناحيه التخطيط 
قررنا بإذن الله انسافر نهايه شهر 5 بتاريخ24 مال 12 يوم
مع الذهاب والعوده ع طيران الامارات بإذن الله
النمسا وألمانيا كان خاطري ازيد دوله بس من نصائحكن فالمنتدى
لاحظت انه تعب!
بخبركن تخطيط الرحله واتمنى منكن تساعدني
بننزل فمطار ميونخ وبنرد من فيننا
بعددددد بحث وعناء فالمنتديات عن المدن والمناطق
قررنا نسير ميونخ
سالزبورغ
زيلامسي
بس! 
السبب مممممم كونها اول سفره بنخليها استجمام وتغيير جو
والشوبنق للمرة اليايه ان شاءالله:
عدد الاشخاص. 5كبار و2 اطفال بعمر السنه وشهر ..
بليز شو تنصحوني بالنسبة للاقامه كيف اوزع الايام!
حاطه ف بالي يومين ميونخ
2 سللزبورغ
والباجي زيلامسي
والمواصلات 
اكثر موضوع متعبني نبا ناجر سياره بس كيف
بخصوص تسليمها فدولة ثانيه!
وبخصوص عددنا شو الأوفر نستاجر وحده عوده ولا سيارتين صغار ؟؟
خصوصا ان سمعت النمسا وايد مشدده من ناحيه قوانين السير والباركنات وتلزم فالسيارة كرسي اطفال !!!!!
اتمنى انكن تساعدني والله يجزيكم ترليوون خير
خاصه ان لوخبصت فشي أنا بتحمل مسؤوليته وشو بيفجني من لسان بوالشباب خخخخ 
بيردن عليج بإذن الله
انزلي في ميووونخ وتمي فيها 4 ايام و عقب روحي سالبورج وتمي 3 ايام لاتكثرين اما بخصوووص زيلامسي ترا اروووع منطقه رحت لها
ما شاء الله روعه بس على شهر 5 بتكون بارده لازم ملابس البرد اما عن طريق المواصلا نحن كنا نطلب سياره اجره لان مافينا نغامر ونضيع وقتنا ونحن ما نعرف وين نرووح
عقب زيلامسي ارجعي للعاصمه فيينا عشان تردين للبلاد ونحن انتقلنا من هالمناطق عن طريق القطار لان اسرع من السياره
وبالتوفيق حبيبتي
صح ها الشي متعب بس يوم تسافرين تنسين كل التعب والسهر وتحسين إنج انجزتي شي رائع
ليش ما تخلون خط سيركم فيينا + سالزبورغ +زيلامسي +ميونخ احسن لأن ميونخ الشوبينج فيها حلو ومنها على البلاد إن شاء
وخذي ملابس للبرد حق اليهال وجاكيتات .
والصراحة صدق زيلامسي احسن مكان .
نصيحة: اسكني في شقق فيها مطبخ مجهز من كل شي وانتو ودو وياكم بعض المير مثل (مكرونه وتونه وصلصة وشوربات واجبان ……إلخ
احسن عن الفنادق لأن عندج يهال طبخيلهم إنت احسن لأن مطاعمهم غالية وما تضمنين اكلهم حلال
احى شي انج انتي ترتيب كل شي على كيفج صدق بتستمتعين بالسفر وبتحسين انج سويتي شي حلو
وبخصوص المخطط
انا اشوفه ابد مش صحيح
اذا انتي تبين ترجعين البلاد من مطار فينا
ليش وانتي ما تبين تيلسين فيها
تاخذين درب 4 ساعات و مطار ميونيخ بيكون اقرب لج
12 ليلة وما تبين تتعبين بعطيج راي وشوفيه اذا مناسب لج اول لا
اول شي تنزلين من مطار ميونيخ تستلمين السيارة وعلى طول الى سالزبورج
لمدة 3 ليالي
بعدين تروحون زيلامسي لمدة6 ليالي
وميونيخ 3 ليالي منها بتروحون وايد اماكن منها و منها بتتسوقين
واذا كان في خاطرج تروحين فينا
ممكن تنزلين اول شي في مطار فينا و تاخذين فيها 3 ليالي
سالزبورج 3 ليالي
زيلامسي 4 ليالي
ميونيخ ليلتين
بس بما انه الرحلة 12 يوم انا انصحج تكتفين بـ فينا و زيلامسي و ميونخ
سالزبورغ مافيها وايد اماكن و تقدرون تزورونها يوم واحد من زيلامسي تخلصونها كلها ..
يعني ما يسوي تضيعين ليلتين او ثلاث في سالزبورغ و جيك ان و جيك اوت من الفندق و تنقلات ويا الاغراض
عشان جيه اذا تبغين نصيحتي تنزلين في مطار فينا تحجزين 3 ليالي فيها / زيلامسي 5 ليالي / ميونخ 3 ليالي
و السيارة عادي تاخذينها من فينا و تردينها في ميونخ ماشي مشاكل لانها دول الاتحاد الاوروبي بس يحسبون عليج جارج زياده يعني شي بسيط
و بخصوص العدد عادي تستأجرون فان 9 ركاب نحن كل سفره ناخذها (ومب شرط فان يمكن تحصلين سيارة اصغر 7 ركاب بتسدكم لان عددكم اقل)
و الاطفال شرات ما قلتي لازم تطلبون لهم كرسي خاص من شركة التأجير لان يخالفون عليه
و اذا بتاخذون سيارتين صغار حطي في بالج ان السايق لازم يكون عمره 21 وفوق مب مسموح اقل عن جيه