ماليزيا ولا تايلند ؟؟

مساااا الخير خواتي ..

خواااتي قررنا نساافر ب شهر 4 بس واايد محتارة وين ارووح تايلند و لا ماليزيا ..
و اللي عندها خبره شو الاجواء بتكون ب شهر 4 برد و لا عادي .. وين تنصحوني احجز ؟؟
وو بكوون معاي ولدي عمرة سنه و نص تقريبا خايفه اتبهدل

هلا

أنا من شهرين رادة من تايلند .. وايد حبيتها صراحة

وبالنسبة للجو جدا عادي ابدا لاتفكرين تاخذين شتوي حتى للبيبي ..يوم مطر يكون الجو عادي مب برد.. ويوم شمس حارة

اما للاماكن السياحية كنا نتفق مع مكاتب ..الي فالفندق يضربون دبل ..
ا
في بانكوك فندق زينوث حلو وفخم ومافي منكر خخخ

وفي بوكيت فندق م ماري .. وخوسوق رحنا وردينا بنفس اليوم في باص حلوة بس وايد باعوض ..لانها غابة

انا احب ماليزيا اكثر

تايلند شوبينق اكثر تونى راده من اسبوع وسايرتلها فوق 7 مرات ماشاء الله وماليزيا مرتين نظيفه وحلوه وارقى من بانكوك انتى قررى رحلتج حق شو يعنى استجمام ولا تسوق عشان نفيدج اكثر فديتج

ماليزيا أحسن انظف وعيبتني وايد فيها جزر وخضرة بصراحة خاطري ارد لها مرة ثانية وبانكوك رحت لها بس زحمة وماعيبتني وايد

ومنكم نستفيد
مي تو بين تايلند وماليزيا

مرحبا بنات ، من يومين ردينا من السفر رحلتنا كانت اسبوع تايلند واسبوع ماليزيا واخر اسبوع ردينا حق العشق تايلند اول مره ازور ماليزيا حلوه ونظيفه لكن واااايد حاره بالنسبه لجو تايلند الراقي خلال اسبوع تقريبا خلصنا اغلب الاماكن في كوالا مثل الماينز وسن واي لاجون وجينتينغ والمولات مثل كيه ال سي سي والبافليون وبرجايا تايم سكوير حلوه رحلة الماينز لمره وحده تكفي وسن واي لاجون البنات ما لعبوا لانها العاب مائيه ولازم مايوه وجينتنغ تجنن بس الالعاب الخارجيه مسكره لين نهاية 2024 للاسف تمشينا كله برع في الجو الحلو وكافيهات وبالنسبه للمولات مافي شي مميز عندهم وبضاعتهم عاديه مش مثل سوق تايلند اللي يهبل تمشين وتلقطين هههههه يعني ان فكرت ازور ماليزيا مره ثانيه بسير فقط جينتينغ اربع ايام وارجع وبالنسبه للجزر اعتقد ان جزر تايلند احلى وفيها فعاليات اكثر والحدائق في تايلند فعالياتهم احلى وانظم شي لفت نظري في ماليزيا بخبركم عنه بالنسبه للحمامات وانتوا بكرامه في المولات ابدن مب نظيفه للاسف رغم ان الشوارع نظيف ودوله مسلمه مش مثل تايلند حماماتهم تلمع من النظافه والروائح العطريه رغم عدم وجود شطاف ، هذا رايي الشخصي واتمنى اكون فدتكم صح بخبركم زرت مكان يديد في تايلند اسمه جوكليت فيل جدا جدا رائع وكله كافيهات ومطاعم , تقبلوا مروري