بنتي والسفر ساعدوني

العنوان بنتي والسفر

شخباركم يابنات انا أبا أسافر مع ريلي شهر 8 تركيا أو تايلند والمشكله بنتي بيكون عمرها 11 شهر يعني تقريبا بتكمل سنه

بس صراحه اعرف اني لو سافرت معنا بتلعوزني من ناحية نومها والحفاظ والأكل والصياح! !! بس هي تشرب صناعي الحين ما ا رضعها

يعني محتاره اخليهاعند أهلي أو تسافر معنا؟؟؟ عندي 2 خوات بعدهم موب متزوجات بس مو اطفال عادي يقدرون يهتمون فيها مع الوالده

شوروا عليه تسافر أو اخليها ؟؟؟ ويلي سافرت مع العمر كيف كانت السفرة استأنست أو لا

انا ولدي من جبته ماروم اسافر من غيره والسبب الاساسي ماروم اخليه والسبب الثاني محد عندي يزخه غير امي ومابغيت اتعبها.. اخر مرة سافرت وياه لما كان عمره 11 شهر والمطارات والطيارة فيهن اماكن تبديل الحفاظات بس لعوزه شوي فالطيارة اما الصياح الحمد لله ماصاح وايد والاكل شليت لي جدر صغير مال بخار وكيسة عيش كنت اطبخله فيه عيش وخضروات والصبح اريقه السيريلاك والبسكوت بس احس تعبناه ويانا لان الدنيا كانت وايد برد بس استانس .نصيحتي لو كانت المدة مش طويلة وعندج خواتج يقدرن يديرن بالهن عليه خليه معاهن عالاقل بتحصلين لج وقت مع ريلج لان صراحة كان البيبي ماخذ اغلب وقتنا بس انا عني ماروم اسافر واخليه الا اذا شفت هالشي اكثر لمصلحته.

وينكم أبا تجاااااربكن

احسج وايد مكبره الموضوع

عااااااادي جدا انا سافرت ويا بنتي اوروبا السنه اللى طافت والحمدلله رب العالمين

تراه هيه قاعده في الدزازة مالتها وشنظه صغيرة فيها غيارات واكلها

اذا بغيت ابدللها وانا برع تراه بالوايبس والبامبرز امسحها

يعني الموضوع وايد سهل لاتكبرين الموضوع

وتراه بنتج قريب بتكمل سنه

يعني اكيد نومها اعتدل اتنام معاكم وتنش معاكم

انا اسافر واشل بنتي معايه كل مكان ومستحيل اسافر بدونها اسافر وفوادي في البلاد مابتنفعني السفره لو صار فيها شي
وعادي مافيها شي حطيها في العربانه بترقد…

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .