خواتي احب اعرض لكم صور رحلتي المتواضعه في صيف 2024 شهر 6
الرحله كانت وايد حلوه خصوصا الى زيلامسي
الحين بخليكم مع صور ميونيخ
هذا الفندق الي سكنا فيه نظيف وحلو وبسيط طبعا الرحله من ترتيب شركة
وهذي البنايه جنب الفندق عيبني تصميمها وصورتها
اول يوم سرنا حديقو اولمبياد كبيره وجوها حلو وهادي
احلى شي فيها البط خخخخ
وبعدين طلعنا نحاوط وضعنا ههههههههه لين ما حصلنا تاكسي يوصلنا
عقب حصلنا حديقة حيوان بس بالوقت الضايع لان كانو خلاص بيسكرون
هذا عاد منو بتعرف شو ؟؟ خخخخخخ حليله وايد غمضني ما ادري ليش جي شكله
تاااااااااااابع بعدني ما خلصت من المانيا
خلصنا من حديقة الحيوان
في اليوم الثاني سرنا ساحه وايد حلوه وكبيره
هذيلا اثنين شياب خخخ شافةنا مسلمين ويو صوبنا ترا انا صرت هناك معلم الكل يبا يتصور معاي بسبب العباة والشيله السوده خخخخخخخخ
والكل يطالع فيني هههه بس ما علي منهم بس الاغلب كانو معجبين بلبسي للعبايه الحمدلله
هذيلا يلسو يكلمونا عن الدين بس ما فهمنا لهم وايد لان لهجتهم الانجليزيه غير شوي مثل الالمان خخخ ومشينا معهم بعدين عطونا كتاب بالعربي بس الكلام يخوف فيه افكار غريبه عقيته ههههه الله يهديهم للإسلام يارب
هذيلا عاد البنات ماشاء الله يت وحده منهم وقالت لي بالألماني ابا اصوركم عاد انا فهمت منها ولا انا اشدراني برمستهم وصورتنا صوره جماعيه وبعدين انا طلبت منها اني اصورهم خخخ بالحركات فهمتها وصورتهم وكانو مستانسين ههههه
ترا في صور مش واضحه بسبب المطر والجو كان رووووووعه
واخر يوم بالمانيا بعد سرنا حديقه كبيره وهاديه جدا جدا ترا اكثر شي حدايق بالمانيا
خلصنا من المانيا وكانت حلوه وممتعه وهاديه
والحين بننطلق بالقطار الى فينا حوالي 5 ساعات
تابعونا الى فينا
فينا عكس المانيا وزيلامسي كلها حشره خخخخ صدعت منها بصراحه لاني احب الطبيعه اكثر
هذا في الدرب
بعد ماريحنا بالفندق طلعنا وسرنا على قصر الشانبرون القصر معروف وكبييييييييييير يضيع خخخ
وفيه حديقة حيوان تابعه له
باخد استراحه وعقب بكمل تعبت خخخخ