اول شي ..
رحلتنا للنمسا كانت في 25-9-2017 سفرة من أحلى السفرات اللي مرت علي كنا مسوين جدول حلو ومرتب طبعا المعلومات كلها خذتها من النت وقريت عن قرية انسبروك وعن عالم الشوارفسكي بالتحديد وتعرفون نحن الحريم نحب هالسوالف فقلت لازم ازورها ان شاء الله دام اني سايرة النمسا ..
المعلومات اللي خذتها كانت :
يقع عالم سواروفسكي في منطقة جميلة جدا بالقرب من انسبروك تسمى wattens ويتكون من المصنع ومقر الشركة, حديقة صغيرة يوجد فيها مطل صغير وممرات مائية ومقهى ومجسم لكف اليد من الاشجار, نافورة الوجه الكريستالي العملاق, متحف سواروفسكي .وفي نهايته معرض لبيع منتجاتهم الكريستاليه ..خاريج المتحف او فوقه حديقه جميله ونوافير ..
القريه جريبه من زلامسي (حوالي ساعتين الا ربع بالسيارة )
وفيه متحف رائع تحت الأرض (اللي زرناه) والمتحف عبارة عن عرض لعالم كريستالي جميل وجذاب..
وهاي صور توضيحيه من الأنترنت ..
هذا هو شعارهم .. تحت النافورة مسوين المتحف ..
وقت الشتا والثلوج
داخل المتحف ..
الأنطلاقه ..كانت الساعه 11 بتوقيت زلامسي متجهين الى عالم الشوارفسكي
الطريج كان رووعه بين الجبال والبحيرات الخلابه ووصلنا هناك ع الساعه 1 تقريبا ..
مقتطفات من احلى درب مريت عليه ..
وهني وصلنا وهذا شعارهم المعروف ..
ترحيب بطريقتهم الكريستاليه الخاصه ..
اول ما دخلنا شفنا هالحصان الكريستالي ..
في الغرف الثانيه ..
الجدار الكريستالي ..
الأرز
كيوت النعال ..
فستان العروس ..
الشوارفسكي تحتنا ..
اوكورديون..
هذا عبارة عن مجسم اذا دققنا فيه كان يتغير شوي شوي يعطي انعكاسات بلوريه ..
نتمشى داخل البلورة الكريستاليه ..
ايد الاخطبوط الكريستالي ..
منتجاتهم ..
وعقب طلعنا من المتحف ودخلنا معرض المبيعات وكااان عوود ومتنوع وانا ما اشتريت شي بس ريلي اشترى قلم شوارفسكي رجالي ..
والمتحف وايد عوود وفي اشياء واايد بس ها جزء منه لان اغلب الصور مظلمه ..
واتمنى يكون عيبكم التقرير البسيط عن الworld swarovski
يلاااا عقباااااااااااال ما نروووووووح
وايد حلوووو
اهم شي استانستووو
شكله الجووو فله
تسلمين ع الصور ^_^