حنا سرنا اسطنبول + يالوفا +بورصــه
بنات كانت هاذي اول سفره لي لتركيا وااااااااااااااااايد استانست الحمدلله بس عيب تركيا الغلا غاليه بمعنى الكلمة
انصح البنات اللي يبن يسافرن لتركيا يحجزون عن طريج شركه بالفاريا للسفر والسياحه يعطون اسعار ممتازه حنا حجزنا التذاكر + والفنادق من بوظبي عبر شركه بالفاريا للسياحه
سافرنا عبر الخطوط الجويه التركيه وكان مده الرحله تقريبا 5 ساعات وسعر التذكره 1400 تقريبا للشخص الواحد
هني حنا في الطياره
قربنا من اسطنبول هذيه تحتنا
وصلنا مطار اتاتورك الدولي الساعه 12:15 دقيقه ودرجة الحراره كانت 12 درجه مئويه
بعد ماوصلنا طبعا حنا خذينا الفيزا من السفاره التركيه في الامارات فما تأخرنا وواااايد بسرعه خلصنا وسنا صوب الجنط وخذينا الجنط وتوكلنا طبعااا واااايد عرب كانو يرمسونا عساس اونه هم بيوصلونا باسعار رخيصه بس ريلي ماعطاهم ويه لان اكثرهم نصابين طبعا ركبنا التاكسي وقلناله تقسيم وصلنا لتقسيم تقريبا ب 50 ليره
وحنا حجزنا فتقسيم فندق 4 نجوم اسمه (( كريستال )) كان حلو ونظيف وفحي جدا راقي مجابلنا كله اسواق ومطاعم شرات البيتزا والمكدونالدز المهم اول ماوصلنا خذينا شور وتلبسنا وظهرنا عطول
هافندق كريستال
كنا ميتين من اليوع وكانت السعه تقريبا 5 العصر دشيا مطعم في تقسيم
وكلينا سكندر كباب كان وااااايد لذيذ عباره عن لحم وروب وخبز وقلناله لايحط سمنه لانا مانحبه
عقب ماخلصنا اكلنا الغدا طلعنا …. على وين ؟؟؟؟ الله وأعلم ….للأستكشاف !!!
عفكره نهارهم واااايد طويل يعني يأذن المغرب ساعه 9 بتوقيت الامارات المهم تمشينا في شوارع
تقسيم والاستقلال ووقفنا عمقهى وشربنا الشاي التركي في احد المقاهي وتمشينا شوي في المنطقه وبعدها رجعنا الفندق وريحنا شوي وصلينا المغرب والعشاء وبعدها رحنا تعشينا في شارع الاستقلال
هو شارع مزدحم ويخوف استغفر الله كلها مراقص وبارات وديسكو واغلبيتهم سكارى واصواتهم عاليه يعني للعوائل لا ياخذو فنادق في شارع الاستقلال ياخذو فتقسيم احسن عفكره تقسيم وستقلال مجابين بعض يعني هب بعيد
هذا شارع الاستقلال وهو شارع الماركات
وهذا الترام اللي ينقل الناس لاخر الشارع
هذا ميدان تقسيم
هاالتكاسي الصفر في تركيا
وهالحريم اللي يبعو الورد في الشوارع مابين تقسيم والاستقلال
وهامخابزهم عفكره خبزهم واااايد لذيذ
وهايل اللي يعزفون الالحان الحزينه بغرض اثارة شفقه المارين
وبهذه الطريقه انتهى اليوم الأول .
وفي اليوم الثاني صحينا صباح هذا اليوم وبعده ذهبنا لبوفيه الأفطار وكلن فطورهم وايد حلو
ولذيذ
بعدين طلعنا وركبا باص في محطه باصات اللي في تقسيم متجهين الى امينونو لقينا مسجد ياناكامي انبنى هالمسيد في عام 1597
وهذي صورة لقية المسجد
هاذي ساحه امينونو
لقينا وايد من هااايل اللي يبيعون فطاير لذيذه الفطيره ب ليره
حذاله بالضبط شي السوق المصري بس هالسوق وااايد غالي حنا بس خذينا الحلويات التركيه وشاي زهورات وميداليات انبنى هالسوق عام 1664
عقب تغدينا في مطعم مفتوح يعني في الهواء الطلق وكانت شي حرمه تسوي فطاير جبنه او لحمه او بطاط قمه في الروعه وطلبنا شاي تركي
بعدين ركبنا الترام اتجهنا لزيارة منطقة السلطان احمد وهي منطقه غنيه بالمساجد
العريقه مثل المسجد الأزرق والسوق الكبير ومتحف آيا صوفيا وقصر طوبقاي وغيره الكثير.
اخذنا تاكسي الى المسجد الأزرق ( 15 ليره ) وهناك لقينا السواح الأجانب بكثره لأنهم يقدرون
الأثريات وأقلبهم كانوا جايين عن طريق المجموعات السياحيه.
•— جامع السلطان أحمد
ويسمى الجامع الأزرق وقد أنشىء بأمر من السلطان أحمدالأول عام 1609م الذي اراد
بناء مسجد أكبر حجماً من ايا صوفيا، وله ست مآذن إحداهما من الذهب وأكمل بناؤه المعماري محمد أغا عام1616م وارتفاع المسجد 47متراً وعرضه 51مترا وطوله 53متراً وقطر القبة الوسطى 22متراً.. ويلحق بالجامع مدرسة ودار شفاء واسبلة مياه ومنقوش على جدرانه زخارف إسلامية رائعة وخطوط تحمل آيات قرآنية
هذي بعض الصور لجامع السلطان احمد
وعقب ماخلصنا من المتاحف ردينا الفندق وفي اليوم الثاني خذينا
وعقب ماخلصنا من المتاحف ردينا الفندق وج انتهت جولتنا لهذا اليوم
مضيق البسفور عرضه 330 متراً
القرن الذهبي خليج يتجه من البسفور غرباً فيشطر القسم الأوروبي قسمين، وطوله 4أميال وعرضه نصف ميل، ويتم العبور من فوقه بواسطة جسرين عائمين وآخر ثابت وكان قديما مقفلاً بالسلاسل منعاً للغزو البحري للمدينة.
الجسر المعلق .. يمتد بين قسمي استنبول الأوروبي والآسيوي ودشن في 29 اكتوبر 1973م وهو رابع جسر في العالم من حيث الطول(1500م) وأرتفاعه 65 مترا وعرضه 33 متراً وهو الجسر الوحيد الذي يربط بين قارتي آسيا وأوروبا
هنا متجهين ناحية العباره
بعد ما رجعنا ونزلنا من العباره رحنا لمجموعه من المطاعم كلها تبيع هذي الأكله
متخصصين فيها وماتلقاها الا عندهم يمكن لقيتها في احد المولات ولكن اللافت للأمر
ان المطاعم متجمعه في جنب بعض وكلهم يبيعون هالأكله
هذي الأكله ببساطه هي عباره عن حبة بطاطس كبيره مسلوقه , تفتح وتملى بأنواع انت
تختارها من السلطه يمي يمي يمي
جزر الأميرات
هي أربع جزر في بحر مرمرة يتم السفر إليها من مرفأ اولر الواقع في منطقة امينونو قرب الجامع الجديد(يني جامع) وهي
1- بور غاز آضا ويوجد بها مايعجب السائحوالزائر
2- فينالي آضا وتعني المخضب بالحناء وهي جزيرة غنية بمسابحها ومناظرها الخلابة
3- بيوك آضا وهي اكبر جزيرة ويتم التنقل داخلها بواسطة عربات تجرها الخيل وفيها المسابح والمطاعم وترتفع كلما مشيت بها بعيدا عن سطح البحر ليصبح المنظر بديعا والسفوح الخضراء تنحدر لتلتقي بالمياه الزرقاء في بحر مرمرة
4- هيبلي آضا جزيرة الهيبة وبها العديد من المرافق السياحية
المهم ان احنا فطرنا وعلى طول رحنا محطة المترو
قطعنا تذاكر لمحطة كابتاش وصلنا المحطه وطلعنا ولقينا محطة العباره وكان هدفنا زيارة جزيرة الأميرات وقطعنا من
عندهم تذاكر رايح جاي للجزيره
عموما ركبنا العباره وكان موعد تحركها الساعه العاشره صباحاً وكانت مزحومه جداً في
البدايه فكرة ان السبب العطله الأسبوعيه ولكن تبين انها على طول مزحومه.
الرحله تستغرق ساعه ونصف والجو كان روووووووووووعه والناس كثار والطابق العلوي مليان على آخره .
ركبنا الحنطور وبدء يتحرك بنا بالجزيره وعلى فكره سعر الحنطور موحد وهو 50 ليره طبعا بتقولون وين الصور آآآآآآآآآآآآه مقهوره نسيت الكاميرا في الفندق شو رايكم يالله الله ماعلي الله ماراد بس كانت الجزيرة جدا جميله ورومانسيه بس برررررررررررررد المهم
المهم في اليوم اللي عقبه سرنا المترو اللي في ميدان تقسيم عسب نقطع التذاكر ليلوى او يلوفا
وج انتهينا من اسطنبول واتريوني ان شاء الله بنزل عقب تقريري لكل من يالوى وبورصه
اتمنى ان الصور نالت اعجابكم وهذه بعض صور الرحلة وصعبة اني اعرضها كلها خاصة وان المنتدى محدد لكل موضوع حجم مسموح به بس انا اخترت لكم اجمل الصور واجمل الاماكن اللي زرتها في رحلتي
هذة صورة تبين الطرف الاخر من البحر وهي يالوفا
اول ماوصلنا الى يلوا اتجهنا الى ترمال المشهوره بالمياه الحاره وهي منطقه جدا جميله عفكره يلوه مدينه جدا صغيره قريه تقريبا
واللي يروحها ويبى يتم هناك يبات في منطقه جوق جدرا صحيح فنادق هب شي بس نظيفه حنا سكنا في فندق سراي كان حلو وفطورهم بعد حلو بس الحجره مره صغيره حجزنا عندهم في يلوى هب في من شركه السياحه شركه السياحه حجزو لنا فندق برع يلوى واااايد صعب الا هي ليله وحده اللي بنتمها
هالاطلاله من بالكونت حجرتنا
اول ماوصلنا الفندق عقينا اغراضنا وسرنا الحمامات الحاره عفكره اذا تبين تحجزين حجره للعوائل يسمونه سلطان بانيو ب 20 ليره واللي معروف عن الحمامات الحاره علاج ودوا لجميع الالام خاصه الروماتيزم والمفاصل
عقب اكتشفنا ان هالماي اللي يشربونه مياه حاره علاج لجميع الامراض وشربنا منه
عقب دشينا المطعم تغدينا هناك عفكره اكثر شي كنت اتخبل عليه شوربه العدس والسلطه جدا لذيذه
وهالشاي التركي اللي ريلي متخل عليه اتخيلو اشترالي العده عسب اوني اسويه في الامارات
شي تكمله في الصفحه الثانيه