شحالكم بنوتات وحريمات ؟! مبرووك عليكن الشهر 
والله يقدرنا على صيامه وقيامه ويتقبل منا .. آآآآمين
رحلتيه الى ايرلندا كانت بتاريخ 23 – 6 -2017
الى تاريخ 28 – 7 – 2024
على متن طيران الاتحاد .. من مطار ابوظبي دايركت الى مطار دبلن ..
مدة الرحله تقريبا 8 ساعات ..
احلى مافي الرحله انها كانت دايركت
قبل كمن سنه كنا نسافر على طيران الامارات او بريتش آيرويز وتنزل ترانزيت في مطار هيثروا ..
وعقب نركب آيرلنقز .. الطيران الايرلندي .. وتحلبنا في مطار دبلن .. بس كانت الرحله واااايد متعبه><
لكن الحين الحمدالله يوم استوت الرحله دايركت ^^
السكن ! لحد يسألني عنه .. لاني سكنت عند ربيعتيه .. 
اعزائي الكرام .. كما تشاهدون لقد وصلنا الى دبلن في الزمن المحدد 
اربطوا الأحزمه ! حان وقت الهبوط 
مب يوم يقولولكن حان وقت الهبوط ترابعتن الحمام وانتن بكرامه
اللي بتعدل الميك آب واللي بتعدل شيلتها واللي بتغسل ويها واللي واللي …..
:
:
:
المهم وصلنا ولله الحمد وعلى طول خذنا جوله تفقديه على المنطقه عسب نعيد ذكرياتنا
الجميله .. ^^
مرينا على تيسكو وأول ما شفته تم قلبي يناقز
وانا اقول في خاطريه : تيسكو حبيبي لك وحشه يا وحش
ويييييييييييييييييه ! دنس ستورز بعده عايش !
:
:
:
يوم نضيج ! ربعنالك
وخذنا الشوكليت والمصاص وكل ما يخطر ع البال
المهم مرينا على المسيد .. وأول ما شفت المناره غرغرت عيوني .gif "12 (46)")
آآآآآآآخ على الذكريات اللي قطعت قلبي
:
:
:
المهم بكتبلكم نبذه بسيطه عن المسيد ..
تم افتتاح المركز الثقافي الإسلامي بدبلن عام 1996م ، بتبرع سخي من سمو الشيخ حمدان بن راشد
المكتوم ، نائب حاكم دبي ووزير المالية والصناعة في دولة الأمارات .
يزاه الله خير ماقصر في ميزان حسناته
………………………………………….. ………..
بنااات ! وين مظلتيه ؟!!
وصب المطر بيد الله .. وكسر حوي عبدالله
وهذيلا الدرايش الكبار عباره عن شقق !
شقه فوق وشقه تحت ..
يلست اتأمل الدرايش وأتذكر اللي كانوا ساكنين في الشقق ..
ياترى حد موجود من اللي اعرفهم قبل ؟!
وكان الجواب .. لااااااااااااااااااااااا 
الكل طلع وتحولن الشقق الى محلات !
خلونا نكمل مع شوشو جولتنا التفقديه
:
:
دخلنا انا والعيال عسب يشوفون المصلى من داخل ..
وبعد ! عشان اعيد ذكرياتي
ركبت وانا مستانسه .. يمكن اشوف حد من اللي كنت اعرفهن من زمااااااااااااااان
يوم فتحت الباب تشان يستوي ويهي جييييه >>>>>>>>>>>
المصلى فاااااااااااااااااااااااااااااااضي
كان وقت الصلاه ..
وهذا الامام اللي قرأ علييه من زمااااااااان يوم كنت مريضه ..
فرحت يوم شفته
ومثل ما ركبنا نزلنا
:
:
:
دخلت وأستأذنت من المديره عسب أصور الفصول
ويوم طلعت الكام ابا اصور ……………. !!
بنجرت ! ماطاعت تصور !!! 
وااااااااااااااااااااااافضيحتااااه >.< تشان اقولها سووووري ! فضت البطاريه .gif "12 (61)")
خخخخخخخ
بيني وبينكم .. مافضت ! بس كانت تستهبل شوي
وخلصت جولتنا اليوم
وودعت المركز وزكرياته القميييله
تابعونا في الحلقه القادمه رحله الى ……. !!
^
^
^
^
^
^
^
المدرسه
ان شالله السنة الياية لو الله احيانا
بس من باب الفضولل خخخخخ
انتي كنتي عايشة هناك يعني؟؟؟
المشاركة الأصلية كتبت بواسطة احتاجك.. 
ان شالله السنة الياية لو الله احيانا
بس من باب الفضولل خخخخخ
انتي كنتي عايشة هناك يعني؟؟؟
لا لااا عادي .. لا فضول ولا شي .gif "12 (64)")
تسلمين نتريا باجي التقرير و الزكريات القميله على قولتج ههه
بس صدق شو السالفه انتي كنتي عايشه هناك يانا فضول نبا نعرف إذا ممكن ؛)