انا وريلي العزيز وبنوتي الحلوة…سرنا منتجع
six senses hideaway zighy bay
اللي فعمان..المنتجع اكثر من روعة..استايله قديم..
كل الشي فيه من الماضي..تصميم الغرف..الديكور والاضاءة…
المكان وااايد حلو وهادي
أخليكم اللحين مع الصور
هذا المدخل.. اتوقفون سيايركم تحت وهم يودنك اللين المنتجع..او اترمون بروحكم اسوقون سيايركم لين هناك..الطريج شو يخوف لانكم بتركبون الجبل..طبعا ريلي روحى ساق لين المنتجع…
هذا المنتجع
مصورة الصورة واحنا فوق على الجبل
هذا الرسبشن
هاي فيلا تنا
وهذا محطوط عند كل فيلا عسب نغسل ريولنا من تراب..بنتي واايد استانست عليه كل ساعه تغسل ريلها
وجي يعني ممنوع الازعاج
هاي غرفة النوم
وهالبانيو
المغاسل
وهذا الشاور
وهاي اليلسة برع
وهذا احلى شي الحوض…روعة ترومين تسبحين ع راحتج
وهالممرات برع
الحوض اللي برع
وهالبحر
نسير هالمنتجع عن طريج الفجيرة..تقربيا ساعتين من دبي لين المنتجع..ولازم اتودون جوازاتكم…
والاسعار الصراحة ماعرف..بس احيد ان الاكل وااايد غالي
والحمدلله وااايد استانسنا(وان شاءالله دوم)
وبليز بنات ادعولي الله يخليلي ريلي وبنتي ولايغيرنا على بعض ويبعد عيون الحساد عنا
وشو عن الاسعاااار ؟
بصراحه اسعاره ضو
فيلا غرفتين وصاله ب6700 درهم من غير الفطور والاكل تو متش
المشاركة الأصلية كتبت بواسطة نبض ريلي 
وشو عن الاسعاااار ؟
لا بس ^_^
والاسعار والله ما ذكر يمكن بحدود 3000-4000
والليحن ريلي مب موجود..ان شاءالله يوم بيرد بالسلامه بسأه…