مثل ماهو واضح بمعرفي فأنا لا أحب بل اعشق الإمارات واهلها ،، رحت لها زمااان وعيالي صغار
والحين ناوية بحول الله ازورها هي و ابوضبي
انا عندي أولاد الله يحفظهم بعمر 18 و 13 و 10 الله يرزقني باخت لهم وودي بأماكن يستمتعون فيها حابة اشوف الفيراري الي بابوضبي هل هي تستاهل الروحة وبينبسطون عيالي فيها سألت عن تذاكر الدخول قالولي ب255 درهم يعني ميزانية موب سهلة واحنا عاد ميزانيتنا محدودة مو مفتوحة لكن اذا هي تستاهل فوالله كل شي يرخص لعيالي ،، المشكلة انا موب راعية العاب ولا ابوهم بعد يعني ابي ادش واتفرج بس لكن قالوا لااازم تدفعين قيمة الدخول هذي حتى لو مانتي لاعبة .. والتذكرة ما تدخل بقائمة طعام او شيء صحيح هالكلام
بعدين تكفوووون انا ابي ليلتين بابوضبي ابي المولات الي تستاهل الروحة لها او اماكن حلللوة وبعدها باذن الله بنروح على دبي ..
ودبي عاد ماشاء الله كل شيء فيها زين
ابي تحددون لي لأن روحتنا تقريبا اسبوع بنحاول نروح كل يوم مكانين اثنين عشان نشوف اكبر قدر من الأماكن الزينة
فعلموني عن دبي ابي الممتاز والمولات الي عليها الكلام وفيها ديكورات حلوة مابي المولات العادية ابي الرووعة بس والي لااازم اشوفها وبعد اماكن الترفيه .. مثل صالة التزلج يمدحونها ان شاء الله نشوفها وبعد مدينة مدهش رحت لها زمااان مادري تغيرت ولا لا
ابي تخبروني كل الي يستاهل من مولات او اماكن ترفيهية تكفون لا تفشلوني
ايه نسيت بعد ابي اماكن اسعارها زوينة مثل مركز القبائل رحت له زمان واعجبني واختي راحت له كذا مرة وجابت اشياء حلوة منه واسعاره ارخص من عندنا بالسعودية
ابي مثل هالنوع لو حبيت اتقضى
انا بانتظاااااركم يالغالياااات
مدينة فيراري تستاهل السيرة
فيها ألعاب تجنن والأولاد بيتخبلون عليها لأنها من صميم اهتماماتهم
في دبي :
اقترح عليج :
مول الإمارات (أكبر مول فيه سكي دبي هذي مدينة ثلجية حقيقية كأنج في بلاد الألب تقدرين حتى انتي وابوهم بعباتج ونقلبج تدخلين وتصورين متعة ما بعدها متعة) تحتاجون يوم كامل حق هذا المول
دبي مول ( مجمع ضخم فيه محلات تجارية كثيييييييرة وفيه دبي اكواريوم : أكبر حوض أسماك في العالم تقدرين تدخلين النفق المائي وتشوفين الأسماك حواليج ، مقابل الحوض محل اسمه كانديليشس فيه حلويات غريبة وعجيبة)
ابن بطوطة مول ( ديكوراته عجيبة : كل ركن يصور لج حضارة من الحضارات القديمة يستاهل العنوة والتصوير)
ميركاتو : مول مصمم على الطريقة الإيطالية لما تمشين فيه تحسين عمرج في ايطاليا
وان شا الله باقي البنات يفيدونج
فرررررحت بردك علي كثيييير وموب غريبة على أحلى شعب
اتذكر برحلتي الماضية لدبي بالمطار تعرفت على عائلة اماراتية انبسطت وياهم وحبيتهم كأنهم أهلي
الله يحفظك يالغالية وكلامك كله بسجله بملاحظاتي
بانتظار كل من لديها إضافة ولها دعوة صاااادقة مني بالحرم اذا رحت له بحول الله
والله مانساكم بدعائي
دبي مول ووايد بيعيبكم
فيه الاكويريم الي هي اكبر حوض لاسماك
وعقب بتعشون فالمطاعم الي مجابله النافوره الراقصه لانه صدق تونس النافوره وحلوووه
وبتشوفون اكبر برج فالعالم برج خليفه وانتوا تشوفون النوافير
وقسم الالعاب اسمه سيقا ر****لك تابع لالعاب sega
وفي مول الامارات بعد عندهم العاب غير السكي
فستفال سيتي بعد حلو وتقدرون تشوفون ا ليخوت ومطاعم وكوفيات
ممشى جميرا يمكن يكون حر في النهار بس ممكن تسيروله فليل تحسين عمرج برع كله المحلات برع ومجابله الحلو والمطاعم تحت وفيه مطاعم فوق
ووديهم فندق اتلانتس في جزيرة النخله بتشوفون جزيرة النخله وهناك بعد عندهم الاكوريم حوض السمج والحديقة المائية وفيه قسم يسبحون ويا الدلافين ويلعبوتجن وياهم
واذا بغيتي حديقة مائية وايلد وادي بيستانسون عيالج لانه كلهم اولاد ممكن يدخلون يسبحون وانتي تنزلين ميركاتو لين يخلصون بدال ما تدفعين حق تذكرة الدخول وانتي ما بتسبحين
وميركاتو قريب فجكلهم في شارع جميرا
وحياكم الله في بلادكم الثانيه وانشالله تستانسون*
شقق مارينا فيو غرفتين وصاله 750 درهم قريبه من البحر وجديد الفندق