عيد ميلاد ولدي الاول

هلا خواتي ولدي بكمل سنة عقب شهر و بغيت اسويله حفلة سبيشل لانه اول فرحتنا (الله يحفظه ) ولاني ماسويتله حفلة طلوع او الاربعين
فبغيت اقتراحاتكن للحفلة عشان تكون مميزة (يعني افكار حلوة :1 (19): ) ماشاءالله عندنا وايد بنات موهوبات بهالشغلة في المنتدى او مشاركات اي وحدة سوت لعيالها حفلة
وبغيت اعرف شو احسن مكان اسوي فيه الحفلة بابوظبي
بلييييييييييييييييييييييييييييييييز لاتبخلون علي باقتراحاتكم :1 (8):

انا مب من بوظبي فما اعرف المكان حبوبه لكن بعطيج افكار
حبوبه لو اتيبين الساحر يسوي حركات خفة يد طبعا مب ساااحر لا مجرد اسم ساحر وهو كله خفة يد بس وب 500 درهم
بعد لو اتيبين وحده تصبغ ويوه الاطفال وب 500 درهم
وفي فرقة اليوله مال الاطفال شوفي جريدة الخليج الاعلانات المبوبه بس ما اعرف كم السعر
وتقدرين اتسوين توزيعات لليهال ووزعي عليهم بيستانسون
وعندج مهرج بعد يلاعب الصغاريه
في كنتاكي بيسون لج اعتقد كل ياهل ب 10 دراهم والمهرج من عندهم والتصوير من عندهم والهدايا بعد من عندهم وبيسون لج مسابقات والعاب
والسموحه الغاليه وان شاء الله البنات بيفيدونج

أنشاالله البنات بيفيدونج؟

حبيبتى انا سويت لابني حفلة ميلاده في فن وورلد اللي في المهيري سنتر كانت كتير حلوه ويسوون مسابقات للاطفال وهدايا وجبت رسم على الوجوه من عندهم كانو حلووين وفي عندهم مهرج وساحر بس انا جبت الاكل من بره
كمان في فالاكشن زوون اللي جنب تويز ار اص قاعة حفلات حلوه
وفي تويز ار اص في قاعة حفلات بس ماعجبتني ابدا
وفي في ميلنيوم اوتيل يسوون حفلات عيد ميلاد بس شوي غاليه
(مسويه بحث)

مشكورات خواتي ع المشاركات

انا ما انصحج حبيبتي تسوين له عيدميلاد لانه عيون الناس ما ترحم اذا تبين سويله حفله في البيت عائليه انا بقولج عن تجربة اختي سوت حفله حق بنتها ما خلت شي ما سوته في الحفله بارني وفيديو كلب حق بنتها من او ما انولدت لين ما دخلت المدرسه هي في كي جي 1 الحين والله ثاني يوم من الحفله نشت وويها منتفخ ما خلينا دكتور قالو الهاب كبيير في اسنانها وتحتاج عمليه بسرعه يعني ثالث يوم كلنا في المستشفى ندعيلها والله كسرت خاطري انا اللي لبستها اللبس مال العمليات الاخضر اختي وريلها يصيحون وما قدروا يتحملون يشوفونها وكنا وايد خايفين من ابرة البنج يعني تعيش ولا لا تستحمل البنج والا ما بتستحمل 5 ساعات العمليه ونحن على اعصابنا قلنا خلاص البنت راحت بعد الحفله وتمينا ندعي وندعي احترقت اعصابنا وقلنا خلاص ما شي حفله مره ثانيه لين الله رد روحها بعد العملية … صدقيني انتي مسؤوله عن عيالج والاحتفال بعيد الميلاد اصلاً حرام والامر راجع لج والله يحفظ لج ولدج ويخليه لج

اختي خليه مش حفلة عيد ميلاد .. لا…… خليه تجمع عائلي فقط

فقط لادخال البهجه في قلوب اليهال .. ممكن تسوين بوفيه خفيف و تييبي هدايا لليهال العائله و كيكه حلوة