كيف اقدر اشتري من الانترنت بدون ما يكون عندي كريدت كارد؟؟!

السلام علييييييكم

انا من مدمني الشراء عبر الانترنت ولو تبون الصراحة من احلامي هو ان يكون عندي كريديت كارد واطلب اللي ابااااه .. تجارنا اهني ما يقصرون البعض منهم ما يطلب الكريديت كااارد لكن في مواقع اجنيه لاااازم تحطين الكرديت كارد واذا ما عندج ما تقدرين تشترين :1 (9): :1 (9):

حد يعرف طريقة اقدر من خلالها اشتري من الانترنت بدن ما يكون عندي كريدت كارد؟؟!!

ومشكورين

اللي اعرفه ان تقدرين عن طريق شركة ارامكس تملين الطلب ويفتحون لج مثل الكريديت كارد وانتي تحطين الرصيد اللي تبينه ويوم تطلبين تحطين رقم البطاقة وجي

والحين ف بنك بوظبي التجاري مسوين الخدمة هذي

تطلعين بطاقة فيزا وانتي تحطين فيها رصيد معين .. واذا خلص الرصيد تطرشين اي حد البنك وتعطينه الفلوس ويروح هناك ويقولهم بحط رصيد للبطاقة هذي

فهمتي علي ..
اتمنى اكون فدتج ..

فكره حلوه مال البنك وعندج فكره اذا كانت نفس تكلفة الارامكس والا اغلى

افتحي حساب شوب اند شب عند ارامكس..انا فتحت بريد امريكا و بريد بريطانيا و البطاقه تقريبا برسوم 500 ربيه << مب متأكده من السعر

و ترا مب كل المواقع بعد يقبلوونها..تلعوز لانه مكتوب على البطاقه اسم ارامكس مب اسمج و البريد يكون باسمج فما تنقبل لاختلاف الاسامي

اما بطاقة الفيزا او الماستر اللي بتظهرونها من البنك بيكون عنوانها في الامارات مب العنوان اللي في امريكا فايضا ما بتنقبل في كل المواقع.. لان شي من المواقع لازم يكون العنوان الي يوفره البنك نفس عنوان الشبنج..و اذا ما كان مطابق تنرفض

بس عموماااااا امازون تمشي فيه بطاقة ارامكس و هو فيه كل المحلات..يعني حتى لو الموقع نفسه ما مشى البطاقه…تلقين نفس البضاعه في امازون و عادي تمشي البطاقه هناك

بس الصراحه سالفة المشترى من النت

خساااااااااااير من الخاطر << خخخخخخخخ

من فتحت حساب الشوب اند شب و انا مب مترقعه…كل يووووووووووووم راع الارامكس عافد البيت عندنا << اييب اغراض…و مره 300 و مره 150 ربيه << هذا مال الشحن من امريكا لين هنيه على حسب الوزن…مره طالبه دليغات و خذ بس 30 درهم..حليلهم مافيهم وزن

و من غير اذا اي مشتريات بقيمة 200 دولار و فوق..ياخذون عنها تاكس من الجمارك..مخسرينا يعلهم

و بس هاي السالفه يطولي بعماركم

الغالية تقدرين اتظهريلج ماستر كارد و تحطين فيها فلوووس متى ما بعيتي تطلبين

أو بطاقة النت من بنك بوظبي الوطني …..

بس ترا هب كل المواقع يقبلووونهم

على سبيل المثال أنا جربت أطلب من فكتوريا سيكرت يوصلون بس فريدرك لازم يكون عندج عنوان في أمريكا ….

سوووري على التأخير ومشكوووورين على ردودكم

انا سمعت عن بطاقه اراميكس بس بصراحة احسه too much انا على حسب ما سمعت ان بس علشان اطلع البطاقه لازم ادفع 500 :1 (37): !!! مادري اذا معلوماتي صح ولا غلط بس هذا اللي سمعته واحسه غاالي!! والمشكلة ان مو كل المواقع تقبلها!! :1 (9):

منو ممكن يوفر طلبيات مثلا من موقع امازون؟؟!

يااا سلااام احب سالفة المشترى من النت مع ان مثل ما قلتي خساير بس تدرين انا ايمع مصروووفي بس علشان هالسوالف وبعدين احن على اخواني علشان يشترولي لا وساعات ما يعطوني ويهه :1 (85): اغمض والله علشان جذيه ادور على طريقة اشتري من خلال النت بدون كريدت كارد لين ما الله يسرها واتخرج واشتغل واطلع الكريديت كارد والليسن وبذلهم مثل ما يذلوني هههههههههه

ومشكووووووررين مرة ثانيه :1 (26):

أنا عندي فيزا كارد واطلب من النت..بس السالفة خساير ف خساير.. تخسرين على الضرايب والشحن والتوصيل .. من غير الجمارك كل هذا يطلع تقريبا 500 درهم والله ما يسوى علينا..