السلام عليكم ورحمة الله وبركاته
شحالكم ربكم الا بخير؟
حد عنده معلومات عن مدرسة الامارات الوطنية فالعين وهل تدريسهم حلو
ووجبة الافطار والغداء عندهم مجانية ولا بفلوس وبكم تقريبا؟؟
ولا تبخلون علينا بالردود
بنتي في مدرسة الإمارات الوطنية بالعين … وتعبت لين ما لقيت مدرسة بهالمستوى
تدرسيهم فوق الممتاز.. بس ما اعرف عن اي صف بالضبط تسالين ..
بالنسبة لوجبة الفطور والغدا مجانية .. او تقدرين اتقولين بمعنى ثاني بانها من ضمن اقساط المدرسة
يعني لما تدفعين الفلوس تتضمن الوجبات والكتب
ما عدا الباص والملابس هذي تدفعينهن بروحهن
بس ما يهتمون من الناحية الدينيه مووول
حتى اجازتهم تكون نفس اجازة السبت والاحد اظن
ويحتفلون مع الطلبه بعيد الكرسمس
طبعا هالموعلومات قالتها وحده لاختي لانها كانت تبغي تحط ولدها
فكنسلت
ما ادري عاد صدج او لا ؟؟؟
ويعطونه الكتب ولا لا
يعني ياخذون شنط ولا لا
ما عليهم كلاااااااااااام.. والناس يمدحون تدريسهم…نفس مستوى مدرسة المدار الدولية
انا كنت بحط بنتي في الوطنية…. واخر شي رسيت عالمدار لان شفت عيال حماتي ماشالله عليهم بس سنة وحدة درسو هم من هل الشارجة درسو في العين سنة وحدة وكان تدريسهم في المدار… وفي هاي السنة صار مستواهم في الانجليزي وايد حلو بلبل شوه رطييييييين عليهم… ويهتمون بنفسية الطالب ومش هاملين اللغة العربية والتربية الاسلامية… وبنتي اول سنة لها.. طبعا الرسوم 13400 درهم من غير الكتب واليونيفورم… واذا عالباص 2024 درهم…
والسموحة
بس اذا زوجج يشتغل في الشرطه ولا الجيش لج خصم 50%
انا عن نفسي عيالي يدرسون في مدرسه المستقبل والله انا ولدي في الصف الاول انه يقرا ويكتب بالانجليزي ويرطن رطين وكبيوتر وبنسبه للفرنسي بس اختياري وواخوه بعد في كيجي
انا حاطتنهم من اول ما فتحت المدرسه بس صدق والله تعامل المدرسات فنان وعدد الطلاب مب وايد فيها يعني مافي زحمه واسعارهم شامله الكتب والبس بس النشاطات مب شامله الاسعار
واجباتهم وايد بس الحلو فيهم انهم قبل امتحانات المنتصف والفاينل يسوولهم مراجعه اسبوعين مع اوراق مراجعه يعني ما يحتاي تدريس وايد يوم الامتحانات.
يس اذا حابه روحي شوفي مدرسه الامريكيه الجديده الي قرب التوام نفس اسعار المستقبل بس اكبر مبناها عنها سيري وشوفيها
اما الظفره وليوا امررررررررره ما يمدحونهن الحين وايدين من اهلي ومعارفنا طلعوا عيالهم منها
وبتوفيق
