بنات اللي يلبس عبايات راس في السفر

بنات انا توني بدايه اللبس عباية راس وحابه اسأل في السفر شو تسون يعني تلبسون نفس العبايه ولا شو ساااااااااااااااعدوني انا محتاره حق السفر اهم شئ الراحه

حبيبتي اللبس الي تلبسينه هنا البسي ف السفر وما عليج الجنه افضل من الراحه عسب توصلين مرتبة المحسنين والله يثبتج

السلام عليكم

أهلين أختي ^_^ .. الغالية أنا عني ولله الحمد والمنة عباة الراس ما أروم أودرها ولله الحمد والمنة .. حتى لو سرت وين ما سرت ..

ويوم سافرت تركيا طبعا كنت لابستنها .. بس في سائحات .. دوم يكونون وراج يبون ياخذون لج صورة تذكارية .. أبتسم لهم ابتسامة خفيفة من ورى النقاب طبعاً ^_* .. وأعتذر لهم بلطف .. وهم يبتسمووون .. ويسيرون .. أظن صارت لي كذا مرة ..

وطبعا في العمرة .. السالفة بتكون جداً عادية ..

والسنة باذن الله ناويين نسين ماليزيا وبانكوك .. وطبعاً مالي غناة عن عباة الراس ^_^ .. أسأل الله الثبات .. لي ولكل خواتي ..

هذا عني شخصياً .. والناس قناعات ^_^ .. وبالتوفييييييق الغالية ..

المهم الستر أختي و اللبس الشرعي للمرأة هو ما يستر البدن و لا يظهر مفاتنه و اللبس ما لا زينة فيه و لا بشفاف و لا بضيق و لا يقصد به التشبه بالرجال.

فيه عبايا رأس فيها على شكل ربطه من داخل تقدرين تربطين العباه تحت الذقن تتحركين مثل ماتبين …

وفيه عبايا راس فيها مطاط يلصق العباه في لراس وماتتحرك العباه وتاخذين راحتج…

والله يثبتج يارب

السلام عليكم
بنات أفهم من كلامكم إن العباة العادية اللي نلبسها حرام مو تستر و إلا شو السالفة