محل الشراشف في بوظبي دخيلكم ؟؟؟

هلا خواتي بغيت ادلوني في محلين حق الشراشف ماتكون الشراشف جاهزه عنده لازم تختارين الي تبينه وهو بيفصلج وانا الي اعرفه انه مب فالمراكز هو في السكيك وعداله محل للملابس الهندي..وتقريبا بعد شارعين شي مطعم زهرة لبنان..

دخيلكم لاتبخلون علي لان شراشفه وايد حلوووووه وابا اسير اشتري؟؟
والسموحه على الاطاله..

بوظبي عاد ما ادل خير شر ..ان شاء الله يفيدونج

وراء سينما الماريه بتلاقين بالخلف لداخل شوي بتشوفين مطعم فخفخينا هناك محلات مب محل واحد كلهم يفصلون وقطعهم حلوه
وممكن يفصلج الستاره
وعندهم قطع رخيصه تنقين بتلاقين القطع الغاليه ورخيصه الوار 4 دراهم

لو ما دليتي المكان خذي رقم الزرافه مكتب الخدم من الإستعلامات وإسأليهم عن مكانهم أو خذي رقم فخفخينا لأنه أقرب إلهم المهم المحلات متفرقه لفي زين بالحاره نفسها

مشكوره الغاليه كفيتي ووفيتي بس انا بسيرصوب السينما وعقب بدور..

وتسلمين ديور حتى انا ماعرف شي في بوظبي ..

انا بصراحة اعرف محل عند محلات سالمين في شارع حمدان
محل كبير نسيت شو اسمة بعد يبيع قطع حلوة ورخيصة وهو محل كبير وعندة قطع لستاير وللفراش وكل شي تلاقينه عنده
وانا دوم اروحة اذا بغيت افصل اشياء للبيت واحيانا تحصلين عندة قطع تخبل واحيانا لا وبعد اشتريت قطع بيجامات النوم وابغي افصلها لي ولبنتي الوانها روعة والاشكال عليها جنان

بس يبالج تدورين زين بين القطع لان القطع اللي مب حلوة طاغية يعني ما يفيد تشوفينها من بعيد لبعيد

هي صح اسمه سيد كمال الدين او سيد كمال بس بدون الدين

وهو مب عالشارع الرئيسي يعني من الخلف محل كبير عالزاوية شفتي سينما الماسة من الخلف تمشين وتعدين الشارع الثاني وبتحصلينة واذا ما لقيتيه تعاليله من خلف ماركس واسبنسر وامشى اشوي بتحصلينه

اي استفسار راسليني

نظره شوق

هذه المنطقه الي تقصدينها يبيعون قطع رخيصه وحلوه وحتى الماركات

وصدقج لازم الوحده تفتش زين بين القطع وبتشوف العجب

ليتني اعرف جان دليتج

ان شاء الله البنات يساعدونج الغاليه