بنات راس الخيمة من وين تشترون الطحين!!!!!

شحلكن بنات
ادري سؤال غريب بس من وين تشترون الطحين (الدقيق يعني؟)
انا كنت اشتريه من احد المخابز بس جنن فيني …لما اطلب طحين رقم 2 لو ماعنده يعطيني رقم 1
و اذا طلبت طحين أسمر و مخلص يروح يعطيني رقم 2
المهم انه مايقول انه هاذا مخلصو لو اعترف انه مخلص يقول تعال بعد يومين و ما يجيب إلا بعد مدة طويلة،، و بنفس الوقت زوجي اللي يروح يشتري ومايعرف يميز بين انواع الطحين،، يعني يقوله عطني كذا يعطيه شي غلط ويطلع بدون مايميز و لما يرجع البيت انا اللي انبهه عطاك النوع الغلط…
المهم طفرت منه هالمخبز طول عمره مايتغير أبغي مكان أقدر الاقي فيه جميع انواع الطحين رقم 1 و 2 و حتى 3 اللي يسون من خبز أسمر و يكون يديد ونظيف
هاه بنات ساعدوني ترا زوجي طفر حتى صار يتضايق لو أطلب منه يروح المخبز الله يعطيكم الف عافية و

أنا آخذ الطحين من كارفور نظيييييييييف ييج فيونيه بيضه , الأبيض عليه نجمه والأسمر عليه نجمتين ..

لكن ما اذكر بكم لأني آخذه ويا اغراض البيت كل شهر ويسدني الحمد لله .

شوق الغلا تسلمين على الرد يزاج الله خير
انزين اللي تشتريه من كارفور تشترينه صوب الطحين اللي يبنباع بكرتونة صغيرة؟ صوب السكر و هالسوالف لو ماكنت غلطانة؟
لاني انا اشتريت منه مرة اللي يجي نجمتين يجي نفس رقم 2 بس موب أسمر رقم 3 نفس اللي يسون من خبز أسمر ،، قوليلي اللي تشترينه فيه نجمتعين شكثر أسمر وايد واللا شوية؟…. يعني نفس لون الخبز الأسمر واللا وسط؟ لان ما ابي اتورط اشتري رقم 2 مرة ثانية امس زوجي ياب لي رقم 2 بدل الأسمر و صار عندي وايد ما اعرف شو اسوي فيه
أفيديني افادك الله ولو تعرفون مكان ثاني مطحنه محترمة مثلا تبيع طحين نظيف خبروني الله يعطيكم العافية

شوفي رقم 1 للمعجنات وهاي السوالف اما رقم2 اشوي اخشن من الاول بس لونه ابيض ورقم3 للخبز الرقاق ويخلط مع رقم 2 للخبز بس رقم 3 لي هوة اسمر ما يتحصل في السوبر ماركت الا في المطاحن

ام سعيد الله يسعدك ايامك و ايام سعيد دنيا و آخرة قولي امين
طيب انتي لخبطتيني يعني رقم 3 للرقاق و بنفس الوقت هو نفسه الأسمر اللي ينعمل منه خبز أسمر هاذا قصدك واللا انا فهمت غلط؟؟
طيب سؤال انا اللي ابغيه هو الأسمر الدقيق البر وين اقدر اشتريه في أي مطحنة في راس الخيمة لاني ولا مرة تعاملت مع المطاحن اخاف يكون اللي عندهم قديم….افيديني افادك الله والله ما انسالك هالجميل

انا اخذه من الجمعيه عليه نجمتين نظيف وزين ماعليه كلام

حور العين تسلمين على الرد بس اللي عليه نجمتين سبق وجربته طحين رقم 2 مش 3 يعني مش أسمر بر
ام سعيد وينج اتريا تردين علي ابغي اسم مطحنه تتعاملين معاها وواثقة منها