الغالية ليش تروحون بحملة العمرة بدون الحملة أفضل كل اللي عليكم التالي :
– احجزو عند أي مكتب التذاكر مع الفنادق (وأنا انصحج بمكتب عالم العطلات في عندهم هندي اسمه محبوب وايد ممتاز وبعد فيه موظفه اسمها غنى ممتازة انا احجز عندهم بالتلفون واطرشلهم حد يدفع لهم وياخذ الحجوزات ) والفنادق وايد انصحج ( هليتون مكة , التوحيد , زمزم , وهذيلا غاليات والباقي عندج الابراج + مكة موده + الماسه وغيرها ) وحجز التذاكر على طيران الاتحاد ممتاز جدا على الدرجة السياحيه ترا كل المسافه ساعتين
– ولما توصلون المطار يا كثر التكاسي اركبو أي واحد وخبريه فندقكم وبيوصلج ونفس الحال لما تريدون الرجعة كلمو الاستقبال ايبيون لكم تاكسي
– لأن الحملة بصراحه لوووووعة التزام
وبخبرج بتكاليف روحتنا للعمرة في الصيف ( وطبعا كانت زحمة والاسعار مرتفعة )
التذاكر للشخص الواحد تقريبا كانت 2024 درهم
الفندق سكنا فتدق بعيد وايد يعني نمشي تقريبا 12 دقيقة لنوصل الحرم بس لأن ماكان في حجوزات وكانت = 250 مع الفطور وكان 4 نجوم لأنه بعيد
التاكسي خذ منا = 200 في القدوم و 180 في الرجعة
وأي سؤال انا حاضره
وتقبل الله عمرتكم مقدما
