الخبيرات في العبي

السلام عليكم
الغاليات
انا عندي استفسار عن اللي بدوا مشاريع في تصميم العبا و الشيلة
بغيت استشير اي وحدة في المنتدى

اذا ممكن اتخبروني امنوا اتسوي عبي في المنتدى
عشان اتواصل وياها

اتمنى الرد….

اختي شو بغيتي تسألين بالظبط؟

ربيعتي تبا تبدأ مشروع و اتفصل عبي
بس ما اتعرف شو يلزمها شو الاساسيات غير المكان و الخياطة
يعني شو الصعوبات و كيف يكون الضغط

فديتج من الاساسيات انها اتوفر:

-الخام المناسب للعبي

-التصاميم اتكون جاهزة

-خياط يفصل لها

-من غير المكان الي اولا ما يكون فيه اكثر من محل عبي على نفس السيد

-كماليات العباة والشيول الي بتوضع عليهن

-نوعية الاعلان سواء كان عن طريق الاهل والجيران والجرايد والشوارع ,,,,,,ألخ

-المعاملة الطيبة والاستقبال الطيب للزباين بالاضافة الى بعض الامور التشجيعية للزبونه مثال اذا فصلتي عندي اكثر من(عدد معين من العبي) تطلع لج شيلة زيادة

-ممكن في فترة معينه من ايام السنة اتسوين خصومات(يعني مثلاً في الفترة الي بتصادف يوم الافتتاح عندكم فالمحل اتسون مثل الحركة الي اتخلي فيها الزباين عندكم يتكدسون فهاليوم)

ومممم وها الي حاليا طلع عندي

جان شي طلع بعد بمر عالموضوع

وحياج

–

مشكورة الغالية
تسلمين لي والله
انا اللي كنت ابا اسأل عنه بعد مثلا الخام من وين تشتري ؟ و من وين تاخذ الكماليات الخاصة بالعباة
هي عندها افكار … و اتعرف بعض الاماكن بس خامات العبي ما اتعرف من وين و هي تبا الاحسن عشان لا يخترب سمعتها
و مشكورة

وين اللي يصممون العبي ؟؟؟؟؟؟؟؟؟؟؟؟؟