خذو فيني الأجر

من أيام الثانوية إنحرفت عن مساري من بعد ما كنت مجتهدة صرت كسوله و ما أهتم أهملت صلاتي و تركت قرائة القرآن قصرت في حق والدي و قمت أعصب عليهم صرت عنيفه و أتنرفز بسرعه صرت ما أحب الناس حتى صديقات إبتعدن عني وحده ورا الثانية تعلقت بالنت و خرابيطه صارت لي سوالف كثيره خربطت و خربطت كثير كذبت نسيت ذكر الله حتى أنساني نفسي

مريت بأيام سوده كنت ما أحس بنفسي حاولت الإنتحار مراااات و مرااات يأست كرهة الحياة بما فيهاا
أمي تدهورت حالتها بسبتي

خلصت اثانويه و الحمد لله

قلت راح أعدل وضعي دخلت التقنية و ما تغير شيء بالعكس صرت أسوي المعاصي و أندم أحاول أتوب ما أقدر كنت نادراً ما أضحك حتى ما كنت أقدر أسولف مع أي حد دخلت بحالت إكتئاب رهيبه

صرت ما أهتم بنفسي غرفتي وسخه أتم بالأيام ما أسبح حتى إن صحتي كانت داون كنت آكل بشراههه و أيام ما آكل أبدا حسيت نفسي جنيت خلاص

كنت أنا و الشيطان بس
ما حصلت أحد من حولي ما عرفت منوو أكلم أو أشكي حالي لمن
قررت كثثير إني أغير حياتي لكن ما شيء فايده تعبت من المحاوله تعبت و انا أحاول حسيت إني أقص على عمري حتى إني كنت أتصنع وايد و أمثل وايد إني سعيدة عشان الناس تتقبلني

أمي كانت تكلمني وايد و هذا إلي كان معور قلبي حتى إخواني ما عادوا يحترموني حتى أبوي طنشني
يظنون إني مش طبيعية!!!

لأن بجد بجد ما مني فايده حسيت إن حياتي إنتهت كنت أتمنى الموت أتممناه و أطلبه من ربي
لأني ما قادره …

سنة 2024
بعد محاولات كثيره حسيت شيء بداخلي تغير صرت أخاف أخاف من ربي
خرابيط النت تركتها و صرت أدش هالمنتدى وبس
قمت أصلي بس متقطع
و أنا مستعده إني أتغيير كل التغير ألحين

اتمنى لج حياة مليئة بالطاعات و البعد عن المعاصي