الخياييط اللي يسوون فساتين خفيفه وحلوه فبوظبي دبي العين كل مكان
ابا ارقام المحنايات لو سمحتن
منو احلي يمكيج دله وله عندكن حد احلي منها فبوظبي ودبي ابا مشورتكن
ابا بعد حريم يبيعن جلابيات دانتيل يفصل جلابيات تعرفون انتن حد منكن معرس ومسوي ميزانيه وعارف كل شي فيدوني يزاكن الله خير
ابا بعد مغربي عند منو تنصحوني فبوظبي دبي العين
العبي يزاكن الله خير
اسامي عطوات فرنسيه وعربيه ودخون
المسكه وين احجزها والتصوير عند منو احلي العدسه وله دبي وله وين
والفستان غير ندا منو احلي خبروني ابا شي حلو
وقمصان النوم في حريم اين البيت خبرني وخياييط المخور فبوظبي غير الدار وين
واي شي نسيته لا تبخلون عليه به
يزاكن الله خير ياربي
عندج عطر one million
Carolina Herrera CH
Alien
spirit
212 sexy وها ينفع للمعرسات
rock rose ها ريحته روعه
Juicy Couture
وعندج وايد غير هايل العطور
بتلقينها في باريس غالري وف المراكز
والسموحه
شكرا اختي خلايا ربي يوفقج
بذكرلج الاغراض وان شاءالله تستفيدين منها
اول شي الملابس لاتكثرين منها وخصوصا المخاوير تتغير موضتها وتستو جديمة وما يمديج تلبسينها ويمكن ان شاءالله تحملين بسرعة
مخورات
سراويل مخورة سراويل دانتيل
ملابس داخلية عادية واطقم
ملابس نوم ولاتكثرين منها تتغير موضتها وبيتغير قياسج بعد العرس
عبايات وشيل (نقاب او غشاوة اذا تلبسينه)
سجادة صلاة وشيلتها وافضل شي تاخذين من الحريم اللي يخيطون الشيل بالبيت لان اللي بالسوق خفيف ويشف ويبين اللي تحته خذي كمن حبة
فستان خفيف
شيل بيت خذي كمية بتستفيدين منها وايد
دلاغات للطلعات
نعل وجواتي
اكسسوارات كمن طقم صغير سمبل وكمن طقم شوي كبير وفخم
خواتم وحلقان اساور
ساعات
اكسسوارات شعر قباضات شوارفسكي للشعر
مشط صغير ومشط كبير سشوار
مكياج
كريمات العناية بالجسم
ديودرنت
زيت للشعر
مقص اظافر ،مبرد،ملقط
طقم فوط سباحة
ان شاءالله تستفيدين من اللي كتبته واذا اتذكرت شي بكتبلج ان شاءالله