خواتي احتاج بسرعة بيت او فيلا او حتى شقة بالايجار
بس خلاص ضقت من السكنة في بيت اهل ريلي…ولأسف ما عندنا ارض
ما باها كبيرة 3 غرف اهم شي وصالة
بليز بنات ساعدوني بسرعة
والله الحال ضاق وراسي بينفجر
اريد في العين اي مكان لو حتى الهير
المهم اطلع
فديتكم دلوني
الايجار اباه معقول لانه ما عندنا سيولة البيع والشرا
بنات اي مقترحات باجر بخمس على الاماكن
صاحبتها اسمها بزاره ^_^ ,, حاولي تتواصلين وياها دون وسيط
ما اعرف عن الاسعار وفي بنفس المكان الصوب الثاني فيلا خضراء
حاطين عليها لا فته مكتوب للبيع وللإيجار
وفي فالجيمي بعد بيت يارة قم امي وحده ظاهريه مأجره قسمين في بيتها
بس مدخل البيت ما يناسبنا كمواطنين فالسكه وبابج وباب يرانج حذا بعض
مادري لو يناسبج بييب لج رقم راعيته ان شاء الله من عند امي
وربي يفرجها علينا ’’ ترى الحال من بعض ياحبيبتي ساكنين بالاجار
مواطنين كلنا ع بعضنا من وصلنا مليون ونصنا فقارى مع ان دولتنا
فيها فلوس لو تتوزع على العالم كله كفته الله المستعان
استغفر الله العظيم واتوب إليه
شكلي مابسكت أقولج شي
تصبحين ع خير
^_^
………………………………
الفيلا الخضراء جفتها بس محد يرد جنهم ما يبونا المواطنين خخخخخخخ
الحمد الله على كل حال ….
ان شاء الله احصل الي في بالي والله تعبت …بس شكله الريل متخنبق يبا تحت اهله …
والله يجزاج الخير
والبيت ان شاء الله
واذا اي وحده عندها فكره انا بعد ادور فيلا او بيت شعبي بس يكون فيه حوش كبييييييييييير