عادة اكل الظفور شوفوا شو استوى فيييي ؟؟؟

شحالكم شخباركم
بختصار مشكلتي اني انسى عمري واكل ظفوري ويوم اخلص اكل اللحم الي حول الظفر من دون ما احس …

وهالمره كلت ظفوري وكلت ونسيت عمري بزياده وكلت اللحم الي حول الظفر والتهب صبعي ومتورم وايد واتوقع يكون فيه ماي *_* وصخ

واحس بألم فظيع ومب رايمه اخلي ايدي تحت لاني احس الضغط في صبعي يزيد والدم يتيمع لازم اتم رافعه ايدي وحتى العرج يوم ينبض احس فيه من كثر الضغط الي في صبعي …

مابي اسير المستشفى ازيييييييييغ وايد حاولت احطها في ماي حار وملح بس ماشي فايده
ابا حل لسالفة اكل الظفر وبعد لصبعي المتورم ابا اعالجه من غير ما اسير المستشفى :*_*:

اختي حطيلة فازلين شوية
والله اختي كان عندي ربيعتي مثلج جيه عندها هالعادة
بس لازم تيوزين منها لانها تشوة مظهر يدج وبنفس الوقت الجراثيم كلها تتيمع تحت الظفر وبجيه بتدخل معدتج
البسي قفازات او حطي مناكير عساس كل ما جيتي تاكليهن تتذكرين , او اكلي علوج عساس تشغلين حلجج ههههه ^^
وماتشوفين شر
اذا في ماي وصخ انصحج تروحين العيادة عساس ينظفونة لج احسن عشان مايقلع الظفر كله

وعليكم السلام ورحمة الله وبركاته
اختي لازم العلاج ضروري
اختي صار لها نفس الشي وشالو لها الضفر
لانها تاخرت
لازم مطهر وكريم

في دوا اتحطينه على ظفورج … ويوم تنسين عمرج وبتين تاكلين الظفر بتطعميين شي مررر او مايستسااغ << يعني طعم مب شي
وجي بتتذكرين .. والمهم انه مايضر
واظن ينباع فالصيدلييات

لاااااااااااازم تسيرين المستشفى عن يلتهب الصبع كله..
وعقب لا قدر الله يقصولج صبعج..
مب زين أتمين جي..

ازييييييييغ بس بحاول اعالج نفسي بماي وملح وبييب ابره معقمه :*_*: ما اروم
شكرا على ردودكم الطيبه

في دوا بالصيدليه تحطينه على اصابعج علشان لا تاكلين ظفورج لان طعمه مر

و هالطعم يمنع عادة اكل الاظافر

اما مسألة الم اصابعج لازم تسيرين المستشفى الغاليه

لان هالمشكله يمكن تتفاقم اذا اهملتيها .. لا تعاندين و تخوفين عمرج على حساب ان تتحملين الالم لمدة 24 ساعه

شو بتستفيدين !!

توكلي على الله وان شاء الله ما عليج شر

وربي يشافيج ^_^