خواتي اللي عندها خبرة وخلفية في تفسير الأحلام اتمنى انها تفسرلي حلمي
لأني من النوع اللي ما احلم وايد.. ويوم احلم انسى الحلم بسرعة الا اذا كان شي غريب
اول شي بقولكم معلومات عن نفسي
انا غير متزوجة وعمري 21 وطالبة على وشك التخرج.. ومن فترة انخطبت بس لين الحين ما قررت لأني وايد محتارة.. واستخرت ولين الحين مترددة وابا اعرف اذا للحلم علاقة بالاستخارة ولا شي ثاني..
انا اجتماعية وايد وعندي واايد صديقات.. وفيني طبع اني طيبة واللي في قلبي على لساني يعني اتكلم جدام الناس عادي وما اخاف على عمري لأني دايما اشوف الناس بنظرة ايجابية والكل يعتبر هالشي عيب فيني
اليوم الصبح حلمت اني اني كنت في الكلية وفي الكلاس بالتحديد، وكانوا ويايه كمن وحدة من بنات كلاسي ووحدة ربيعتي بس اول مرة اتي تيلس ويايه في الكلاس
المهم ان وحدة من البنات (ماذكر منو) رشت عطر ومانت ريحة العطر قوية واايد.. وحسيت بضيق في صدري كنت مختنقة من الريحة.. ومب متأكدة اذا كنت اكح ولا لا
عقب شوي دخل فار الكلاس والبنات كلهم ارتبكوا وسووا ضجة.. وتموا يصارخون (صريخ بنات عادي مب مال خووووف وايد).. بعدين قامت وحدة من البنات وتمت تلحق الفار عشان تطلعه من الكلاس.. فكلنا رفعنا ريولنا وانا كنت يالسة على كرسي او طولة ماذكر بس كنت شوي مرتفعة.. وكنت رافعة ريولي ووايد خايفة وجااازة من الفار
فقالولي البنات تحملي عن اييج ارفعي ريولج وغطي صدرج (مع العلم بأن حجم صدري ماشاءلله ملفت بالنسبة لجسمي ودايما البنات يسألوني اذا طبيعي ولا لا او اذا كنت لابسة شي يكبر لأني ضعيفة)
عقب ما اذكر التفاصيل بس الفار يا صوبي انا واعتقد ان يا على صدري بعد (مب متأكدة)
وعلى طوووول قمت من الحلم وحسيت اني وايد مضااااايقة
ياليت تفسرولي الحلم في اسرع وقت لانه شاغل بالي
ويزاكم الله خير
وسرت ادور كتاب التفسير ما لقيته …
وخيييييييييييييييييييير ان شاء الللللللللللللله
بتلقينها عندي فالاصدقااء
المشاركة الأصلية كتبت بواسطة يارب اسعدني 
وسرت ادور كتاب التفسير ما لقيته …
وخيييييييييييييييييييير ان شاء الللللللللللللله
هيه والله لاااازم لأني وايد غافلة عن هالشي.. بس انشاءالله من اليوم ورايح لازم اقرا
يزاج الله خير حبيبتي
تنبئ الفئران في الحلم بمشاكل في محيط الأسرة وعدم إخلاص الأصدقاء كما عني اختناقاً في مجال التجارة والعمل. إذا قتلت فأراً في الحلم فهذا يعني أنك سوف تنتصر على أعدائك. إذا تركت الفأر يهرب فهذا ينبئ بمشاكل ونزاعات. إذا حلمت فتاة بفأر فإن هذا ينبئ بوجود أعداء غير منظورين يخدعونها. إذا حلمت بوجود فأر في ثيابها فإن ذلك ينبئ بفضيحة وشيكة الوقوع إذا حلمت امرأة برؤية فأر فإن هذا ينبئ بوجود عدو يقلقها بمكره وغدره.
المشاركة الأصلية كتبت بواسطة بنت الظيت بتلقينها عندي فالاصدقااء
مشكورة الغالية