منو فيكم حجزت او شافت قاعة الاعراس اللي براس الخيمة وكم سعرهم؟

السلام عليكم ورحمة الله وبركاته

شحالكم ؟

حبيباتي ماراح اطول عليكم ، بنت عمي ملجت وعرسها بعد 3 شهور ويدورن قاعه راقيه وبسعر مناسب

فبغت تتخبركم عن القاعات اللي فراس الخيمة لان انتبهت ان الكل يحجز فيها لكن ولا قد مره دشتها

ولا انا دشيتها فهل القاعات اللي فراس الخيمة حلوه وايد واسعارهم مناسبه؟ وتنصحونا نسير نشوف

قاعاتهم ؟

عندج قاعة جواهر رووووووعة انا سويت عرسي هناك بي 22 الف
وعندج قاعة اماسي يقولون روعة بس انا الصراحة ما دشيتها ولا اعرف اسعارهم كم
وعندج قاعة راس الخيمة بعد حلوة دشيتها بس السعر ما اعرف سمعت بي 36 الف

للــــــــــــــــرفع ،،،

الله يبارك فيج أختي جمانه ماقصرتي ، قاعة جواهر اللي بعيمان وله اللي براس الخيمة؟ لأني اللي اعرفه قاعة جواهر في عيمان لكن هم بعد مب مشكلة بعيمان اذا كانت اجمل من القاعة اللي براس الخيمة

انتظر البقية

ارقى صالات الاعراس براس الخيمة صالة الكورنيش
لكن بالنسبه للسعر ما عندي فكره ختيه
بالنسبالي باجي القاعات ما يعيبوني وهذا رايي الشخصي
احس افخم الصالات هي صالة الكورنيش

اوكي حلوه

انا مره سرت راس الخيمه عرس ….ما اذكر اسمها بس شو رووووووووعه
القاعه طويييله كبيره و مسوين ديكور في غرفه و بلكونه العروس تطلع منه و اتنزل من ادرج لين الكوشه …