سؤال عن مركز محمد بن سالم بن بخيت إللي في المزهر الأولى

السلام عليكم خواتي

بغيت أعرف حد منكم يسير هالمركز؟؟ لأني أبغي أحضر دروس دينية وتفسير وتحفيظ قرآن في هالمركز بس أتصل فيهم ومايردون

أنا أداوم لين الساعة 4 يعني الفترة الصباحية مب مناسبة لي أبداً ..

فأبغي أعرف أوقات الدروس وهل في تسجيل ولا كيف؟

ساعدوني لأني أول مرة بجرب أحضر دروس والله يوفقني للي فيه خير لي يارب

( رَبّنا لا تُزغْ قُلُوبَنا بَعدَ إذْ هَدَيْتَنا وَهَبْ لَنا مِنْ لَدُنكَ رَحْمَةً إنّكَ أنتَ الْوَهّاب )

https://www.tvquran.com/

https://direct-aid.org/projects.php

الله يوفقج

محد يعرف

ماعرف الغاليه ان شاء الله البنات بيردون عليج بس اذا تقدرين تروحين لهم فالمركز روحي واسالي احسن بعد..

وربي يثبتنا على دينه..

للرفع

السلام عليكم ورحمة الله وبركــــاته

أختي إذا حابه دروس دينيه . . و يطرشون لج المواد لين البيت
ما عندج غير دورة الشيخ يوسف الحمـــادي الدورة المنزليه . .
عبارة عن دروس تسمعينهم في البيت و يحددون لج كل أسبوع الدروس إللي تسمعينها
و عقب أتابعج وحدة من المتابعات و أخر شي يكون شي إمتحان على الإيميل إذا نجحتي تنتقلين لمستوى آخـــر
طبعاً أسلوب الشيخ يوسف الحمادي جداً رائع أكتبي في يوتيوب الشيخ يوسف الحمادي أو عندج في موقع دروس الإمارات أسمعي محاضراته . .

إذا حابه تسجلين في هذه الدورة رمسيني على الخــاص طبعاً الدورة من دون أي رسوم ولا مبالغ !
مجانية لأنها طلب علم