مشكلتي أن أولادي وايد معتمدين علي في دراستهم مثلا الواجبات المراجعة المواد وطامة الكبرى الإمتحانات ومايعرفون يتصرفون بروحهم معتمدين علي في كل شي وأنا تعبت وااااااايد بليييييييييييز ساعدوني كيف أقدر أخليهم يعتمدون على نفسهم في الدراسة لأني أحس إن هذا غلط وما بينفعهم يوم يكبرون وأنا مضايجة بسبت هشي
شوفي اختي انتي عودتيهم من لبداية على هالشي والحين لازم تعودينهم انهم يعتمدون على انفسهم اطلبي منهم يحلون الواجبات بنفسهم واذا محتاجين مساعدة يطلبونها منج وانتي عليج بس طولة البال والصبر لحدما يتعودون
وربي يوفقهم في دراستهم ويحفظهم لج
وربي يوفقهم في دراستهم ويحفظهم لج
[08]°ˆ~*¤®§(*§*)§®¤*~ˆ°مشكورة يلغالية وبحاول قد ماأقدر أطول بالي واصبر بس مشكلة كيف الطرق والأساليب إلي تخليهم يعتمدون على نفسهم لأني وايد حاولت وياهم ومشكووووووووووورة°ˆ~*¤®§(*§*)§®¤*~ˆ°[/08]
الحل كل مايون من المدرسه قوليلهم إلي بيكتب الواجب بروحه ومايتعبني عندي له هديه حلوه حاولي تراقبين الواجبات أول باول بس بدون ماتمدين لهم المساعده بس أرشديهم من بعيد ولاتكتبين عنهم أوووووووكي الغاليه
[blink]مشكورة توتة الامارات على النصيحة وبسويها[/blink]
ما فيها شي الغالية أنا أمي علمتني أتمد على نفسي يوم كنت صغيرة فكنت أتعمد أطوف شغلات لأن ماحد كان متابع معاي…خخخخخ
لكن الحينة ماشاءالله أخواني من الأوائل ليش أنه أهلي أمي وأبوي كلهم متابعينهم في كل شي…خذو درس خخخخ
وتراهم بيردولج أياها في كبرهم…وهذا أكبر شكر لما اتشوف الأم تعبها بان في عيالها…
ويخليهم لج أن شاءالله
أول شي خليهم يعتمدون على نفسهم بالواجبات وبعدين الامتحانات العاديه أما امتحانات نص السنه وآخر السنه كوني وياهم ولا تفكرين وايد لأنه بتوترج بتوترينهم زياده
بس نصيحتي لا تبدين من ألحين ابدي وياهم من السنه اليايه عشان ما يتوترون وتنزل درجاتهم
أنا جربت في اخواني أول ما عرست نزل مستواهم وايد
كنت وياهم مثلج حتى في الواجبات
وتخيلي كنت أسطر كراساتهم
بس ألحين الحمدلله هم أحسن
والله يوفقج
بس لا تنسين لا تودرينهم من ألحين خليها على السنه اليايه