متى يبدا الياهل يرمس؟؟ !

السلام عليكم ورحمة الله

بغيت اسألكن عن الفترة اللي يبدا الياهل يرمس فيها مسة مفهوومة

بنتي كملت سنة و3 شهور وماتعرف اتقول الا دادا و بابا ..وبس .. مرات اتقول( اندووت ) بس هاي هي الكلمة الوحيدة المفهومة عندها .. والا كل شي دادا وبابا ..

هل تعتبر بنتي متاخره فالنطق؟

واذا هيه كيف اتصرف؟؟

شوروا علي ..

أختي مب كل اليهال نفس الشيئ أنا أبني الكبير بدا يرمس عدل وهو عمره سنه ونص تقريبا أما بنتي لين سنتين ونص بدت ترمس بس فيه بعض الحروف غلط عندها…….يعني لا تحاتين وأنتي كلميها دوم وسولفي وياها وعلميها كل شيئ ومع الأيام بتتعود…….

هلا اختي ..

انا مب مستعيلة عليها بس اخاف يكون فيها شي وانا يالسه جي ..

انا ولدي عمره سنة ونص وبعده ما يقول الا بابا ماما ودادا ويوم يبا شي يقول امييييييييييي!!!!

انا بنتي عمرها سنه وثلاث شهور بعد .. بس ما ترمس لا تقول بابا ولا ماما ولا شي ..

بس يوم تصر عالشي تقعد تقول اه اه اه اه ورى بعض بس لا اقل ولا اكثر ..

وانا بعد عندي بنت سنة ونص
بس تعرف ماما وبابا واتنادي اخوانها وخواتها ولما تجوع تقول نمنم يميم
وتطلب حليب وبس
وعادة الاطفال يتحسن كلامهم عالسنتين وكل طفل غير عن الثاني