فديتكن شورووو عليه .؟؟؟

السلام عليكم

اشحالكن خواتي,,,

بغيت اسألكن بنتي عمرها 3 شهور واسبوعين

شو اقدر اعطيها غير الحليب

في حد يقولي احطلها فارليز في الحليب او بسكوت الاطفال

شو رايكن ؟؟؟

اللي جربت وعندها فكره عن الموضوع تفيدني

انا عندي بنتين الله يحفظهم بديت معاهم الاكل تقريبا لما كملوا 6 اشهر لان الحليب وايد مهم …
بديت بالسيريلاك وبسكويت.. وكل يوم اطبخ لهم خضار وفواكه فريش .. يعني لا تستعجلين ..والافضل تشاورين الدكتور لما تاخذينها للتطعيم..

الله يحفظلج بناتج عزيزتي

ومشكوره على مرورج وردج ^^

هلا الغالية

أنا عيالي يوم يكملون 3 شهور أعطيهم

حليب بابلسكوت أحط قطعة صغيرة فارليز في الحليب

وأعطيهم وأسوي لهم مهلبية النشا بس أحط بدال الحليب

الحليب الخاص فيهم وهي وايد زينه تغذي الطفل

وبتحصلين في الجمعيات أكل حق الطفل بو 3 شهور

حبوبه لا تستعيلين عليها خليها الين تكمل 5 شهور ونصف وكنت اعطي عيالي تمر امرسه في الماي واشخله وبعين اخذ الماي مال التمر واحط فيه بودرة الذره النشاء واطبخه على النار الين ما يسير مثل الفرني اقصد الكاستر واخليه يبرد واطعمهم اياه مفيد ومغذي

الله يخليها لج والعمر كله ان شاء الله .. انا رايي مثل الخوات لا تستعيلين عليها لان حليب الام اكبر مناعة للطفل وممكن تعطينها التمر بعد ما تمرسينة بالماي وهو دافئ

انا طريقتي من دخلت بنتي الرابع سرت اذوقها الاكل عشااااااااااااااااااااااااان تقبل الطعم مثل الخضار والفواكه
والتمره بلحااااااالها مفيده طبعا بعد غليها وشخلها
وحطي اذا عندك عسل اصلي على اللثه عندها وحطيها بمرضعتها
والله يخليها لك انشالله