من زمان انا حاطه موضوع عن الانش بوكس وشو ممكن تحطون فيه عشان يستفيدون الاطفال
المهم بغيييت افيدكم لنه بصراحه احب اجدد فاكل الاطفال دايما وما اكرر الاكل يومين ورا بعض عشان الياهل يحس يتتجديد
المهم ندخل فالموضوع
اولا احبذ الانش بوكس اللي مثل الثلاجه الصغيره مثل هذا
بتحصلونه في هايب ماركت او كارفور(ما عندهم غير لون واحد وملينا منه)
او في ايس
شوفوا صورته
طبعا هذا كبير بس في واحد مربع واصغر عنه
انزين ليش اخترت هذا لنه لو حطيتي جبن او لبن او حليب بالكاكاو او الفراوله اوعصير طازج ما يخترب يتم الاكل بارد
ولازم تشترون مثل الكيس ازرق تحطينه فالثلج ويكون فالبوكس من تحت عشان يتم الاكل بارد لين اخر الدوام
اللحين عرفتوا ليش انصحكم فيه
والحلو انكم تقدرون تلصقون عليه صور شخصيات كرتونيه او اي شي
اللحين نتكلم عن الاكل
مثل ما قلت قبل لازم يكون الاكل كامل
حبوب والياف وماي ووووالخ
_______________________________
المفيد
اولا العصاير والماء
مهم انكم تستخدمون عصاير مافيها الوان وما فيها مواد حافظه اقروا زين المكونات وانا انصح بسيزر وكابري سن مب لين هناك بس يمشي الحال
انزين
ني للالياف
تقدرون تحطون زبيب (يكون في بوكسات صغار لونهن احمر ) يحبونه اليهال
وبعد تستخدمون الكرانتشي بار (يكون في قسم الكورن فليكس الواح قمح او حبوب مع بسكويت او فواكه مجففه مثل القراوله او التفاح واحيانا يحطون اوريوز)
المعجنات
ساندويشات (ممكن تستخدمون الخبز الدائري الصغير او الصمون الصغير وتحطون فيه مورتديلا او جبن او لبنه او زبده الفول السوداني او جبن سلايس او زبده وعسل )
ممكن ساندويش نقانق
ممكن تسوون بان كيك صغار (اللي يبا الطريقه يامر بس)
ممكن تسوون وافلز والطريقه سهله للعلم فيه وافلز عشكل ميكي ماوس
و بعد ممكن تسوون مافن او كاب كيك
بيتزا صغيره وتشكلون الخضار عشكل عيون وووووالخ
ساندويش بالتوست وتقصون التوست بقطاعات اشكال وتقصون البيض اومليت نفس الشكل وتسوون ساندويش يبيض وجبن
ممكن تسوون فرنش توست وتقصونه بعد للتغيير بقطاعات اشكال
ممكن تسوون دوناتس
_________
الخضار
جزر (يقطع اصابع)
بروكلي
خيار (يقطع اصابع)
زهره
ذره (للتغيير استخدموا الذره الصغيره)
بينز
نخي
زيتون
مخلل خيار صغير
اهم شي يحبونه عيالكم
___________
فاكهه
تفاح طريقتي(اقشر التفاحه واول شي اثقبها من الداخل واحاول اشل البذر بشكل دائري وانا امرر السكين بشكل دائري وبعدين اقععا رائح بالعرض وليس كالمعتاد) بحيث ان الطفل يأكل شريحه شريحه وتنقص عهكذا التفاحه فيحب ان يكملها طبعا ارش عليها عصير برتقال عشان ما تسود
عنب
فراوله
برتقال
موز
اناناس
اي فاكهه يحبها ابنك
المهم يكون عنده فاليوم كمن اختيار اذا ما يبا فاكهه ياكل خضار وسندويش
انزين
لاتنسون الحلو بسكويت او كيك او تمر
الجبنه اصابع او سلايس او اللي تكون مع بسكويت
روب بالفواكهه
يبيعون فكارفور بان كيك مثل السانديش ومحشي بشوكولاته وااايد حلو هو فرنسي لا تخافون نوعه زين
ممكن لبن او عيران المراعي
مكرونه بالجبن للتغيير
كرواسون
اهم شي الطريقه اللي بتحطون فيها الاكل لازم تكون مبهره للطفل
ودايما جددوا فالافكار والاشكال
هذه بعض الافكار مستخدمين فيها فاكهه ولحوم وخضار وبيض بس شوفوا كيف طالعه تجنن
تمنياتي لكن بالتوفيق
ذكرتيني يوم كنا صغار =)
انا مشكلتي ويا بنتي ما تحب الا المألوف بكل شي
يعني اذا طلبت اكله معينة لازم نتم كل يوم انسويها لها ولا ما بتاكل
بحاول اغريها بالاشكال المبتكره
وااااااايد عيبتني فكرتج في تقطيع التفاح
صدى الروائع مشكوره عمرورج
ام فروس ان شاء الله بتقدرين تحلين هالمشكله بالاشكال الحلوه المغريه
منى الحمادي الله يعافيج ختيه ومشكوره عالمرور
ام عبدالرحمن عفوا اختي وتسلمين عمرورج