مشكلتي هو ولدي الله يحفظه وااايد امهات يشتكون نفس شكوتي بس انا قمت ألاحظ انها تزيد ماتخف ولدي عنده عادة سيئة جدا انه دائما يعضض في اغراضه مثل قميصه او قلمه ولا كتبه او شنطته وانا اعرف انا هذي حالة نفسية لأنه مب شي طبيعي ممكن واره سبب بس مااعرف الشي الثاني والدي يوم مان في مرحلة الروضة كان يكتب دروسه لو مرات شوي يمل بس بعد تشجيع يكتب الحين هو في الصف الثاني الإبتدائي قام يمل يسرعة كثير التأفف والحركة مايركز اثناء كتابة الواجبات والمذاكرة ولا يكتب بخط جميل لأنه متملل وما يحب يليس شفته مهتم وااايد بلعبة البلاي استيشن يبي يكتب بسرعة او مرات يرفض الكتابة ويصرخ بصوت عالي يبين انزعاجه وغضبه ورفضه التام ولكن احاول افهمه انه اذا مادرس مافي لعب وبعدها يستسلم ولكن يسوي واجباته بسرعة واذا عنده مذاكرة قام يصرخ ويتأفف قمت خشيت عنه اللعبه بس مافي فايده نفس التصرفات والحركات يسويها حتى لم اعاتبه على غلط او اقوله لاتسوي هالشي يسوي قمت اصرخ عليه واايد وساعات امد ايدي اواعاقبه بحرمانه من شي يحبه كان يكذب عشان كان يخاف انه ينضرب فيضطر انه يكذب قمت انتبه لهذا النقطة فمت اشجعه واقوله بأنه مايكذب علي ويقول الصج وماراح اضرب تمت وراه وراه وحاولت كان مرات يقول الصج ومرات يكذي ومن خوفه اذا سوه غلط اندس من خوفه لاينضرب مع العلم يكرر نفس الأخطاء وبأ مايركز في الصف ويتحجج انه بسيسير الحمام عشلن يطلع بره الصف ودايما اوصيه لايضيع اغراضه وكتبه ويسمع لشرح المدرسة بس اشوف هالولد اذن من طين واذن من عجين ارجو منكم المساعدة مب عارفة شو اسوي قبل يومين كان يتحرك واايد يقفز ويركض في البيت حتى وقت العشاء مايليس ويصب الماي عصب بي وقمت ضربته بالمعلاق بعدها قمت اصيح قلبي عورني يوم سويت شي آسفة طولت عليكم وشكرا
وفيه حديث عن الرسول صلى الله عليه وسلم بما معناه ( عرامة الطفل من الذكاء ) اي كثرة حركة الطفل دليل الذكاء
ان شاء الله ربنا يرزقة الذكاء
وشوفي اختي في هذا السن صراحة الاطفال صعب انج تجلسين معاهم
او تجبرينهم ان يسون شيء
لان فيه اطفال يتقبلون واطفال لا يحبون يلعبون
انا ولدي – اريد احفظة قران ما يقعد مولية وعمرة 3 سنوات وكم شهر
ما يجلس يركب الدراجة او يناقز على الغنفات
طبعا اتعب منه واخليه
بس لازم نخصص له وقت بعيد عن التلفزيون – عن اخوانه – عن الصالة
جربي ادخلي غرفة انت وهو بس
وابدي بتعليمة
وقدمي طبعا له اعراءات اول مرة لحد ما يقتنع
وكافئية
مثلا بكاكاو او اي شيء اخر
وحاولي مع المدرسة – لو كان في مدرسة خاصة حاولي مع المدرسة تهتم فيه
وقولي لها طولي بالج عليه صح هو متعب بس ان شاء الله يفهم ويحب يدرس
يمكن تخصص له وقت
ويا ريت لو مدرستة خاصة يعني تهتم المدرسة بواجباته داخل الصف
واقول خاصة لان الحكومة غير
روحهم مالهم بارض انفسهم بيشيلون وبيتحملون عيالنا بعد
الا من رحم الله
يعني شوي شوي
يمكن فيه شيء في الصف كيف الولد في الصف
هادي او اجتماعي
احيانا الاطفال في الصف هادين ما يكلمون احد
فيبدأ يفجر طاقتة في البيت
وهذا بعد روحه مشكلة
وربنا يسهل عليج
وحاولي انج تستعيني ببعض الكتب اللي فيها خطوات التعامل مع هذا النوع من الابناء